Kronika II, 16:3 - BAIBLO ALOO NGMAMI KLƆUKLƆU Ɔ

³ “Ha nɛ i kɛ mo waa so kaa bɔ nɛ tsaatsɛ kɛ o tsɛ so ɔ. I ngɛ mo sika hiɔ kɛ sika tsu nike ní manee. Yaa nɛ o kɛ Israel matsɛ, Baasha ya po somi nɛ o kɛ lɛ so ɔ mi, bɔ nɛ pee nɛ e je e ta buli ɔmɛ kɛ je ye zugba a nɔ kɛ ho.”

Kronika II, 16:3 ပူးပေါင်းရင်းမြစ်များ

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

2 Timoteo 3:3

Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 18:3

Ahab bi Yehoshafat ke, “Anɛ o kɛ mi maa ya nɛ wa ya tua Ramot nɛ ngɛ Gilead ɔ lo?” Yehoshafat he nɔ ke, “Imi kɛ mo ɔ, nyɛmimɛ ji wɔ; ye ma a, mo hu o nɔ. Waa kɛ mo maa ya ta a.

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Manyadali 2:2

Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Matsɛmɛ I, 15:16

Yuda matsɛ, Asa, kɛ Israel matsɛ, Baasha a kpɛti jɔɛ a wami be ɔ tsuo; daa nɛ ɔ, a ngɛ ta nɔ.

Kronika II, 16:2

Enɛ ɔ he je ɔ, Matsɛ Asa ya muɔ sika hiɔ, kɛ sika tsu kɛ je Yawɛ we ɔ nito he ɔ, kɛ matsɛ we ɔ nito he ɔ. E tsɔ e tsɔli ɔmɛ ekomɛ Damasko nɛ a kɛ ní ɔmɛ ya ha Siria matsɛ, Benhadad. Sɛ gbi nɛ piɛ he ji nɛ ɔ nɛ:

Kronika II, 16:4

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, kɛ Naftali nito he ma amɛ tsuo.