Kronika II, 16:2 - BAIBLO ALOO NGMAMI KLƆUKLƆU Ɔ

² Enɛ ɔ he je ɔ, Matsɛ Asa ya muɔ sika hiɔ, kɛ sika tsu kɛ je Yawɛ we ɔ nito he ɔ, kɛ matsɛ we ɔ nito he ɔ. E tsɔ e tsɔli ɔmɛ ekomɛ Damasko nɛ a kɛ ní ɔmɛ ya ha Siria matsɛ, Benhadad. Sɛ gbi nɛ piɛ he ji nɛ ɔ nɛ:

Kronika II, 16:2 ပူးပေါင်းရင်းမြစ်များ

Kronika II, 28:21

Ahaz ya muɔ sika tsu ngɛ Yawɛ we ɔ, matsɛ we ɔ, kɛ ganɔ ɔmɛ a we ɔmɛ a mi, nɛ e kɛ ha Asiria matsɛ ɔ. Se kɛ̃ ɔ, Tiglat Pileser piɛ we e he.

Matsɛmɛ II, 18:15

Hezekia ngɔ sika hiɔ nɛ e na ngɛ Yawɛ we ɔ, kɛ nɔ́ nɛ e na ngɛ matsɛ we nito he ɔ tsuo kɛ mane lɛ.

Matsɛmɛ II, 16:8

Ahaz ya ngɔ sika hiɔ, kɛ sika tsu ngɛ Yawɛ we ɔ, kɛ matsɛ we nito he ɔmɛ; nɛ e tsɔ nɛ a kɛ ya ke Asiria matsɛ ɔ.

Matsɛmɛ II, 12:18

Nike ní klɔuklɔuhi tsuo nɛ Yehoshafat, Yehoram, kɛ Ahazia, nɛ ji Yuda matsɛmɛ nɛ nyɛɛ Yoash hɛ mi ɔ gbaa nɔ kɛ ha Yawɛ ɔ, Matsɛ Yoash ngɔ. E kɛ lɛ nitsɛ e ní klɔuklɔu ɔmɛ, kɛ sika tsuo nɛ a na ngɛ Yawɛ we ɔ, kɛ matsɛ we ɔ nito he ɔmɛ piɛ he, nɛ e tsɔ nɛ a ngɔ ya ha Siria matsɛ, Hazael. Kɛkɛ nɛ Hazael kpale e se kɛ je Yerusalem.

Matsɛmɛ I, 15:18

Enɛ ɔ he je ɔ, Matsɛ Asa ya muɔ sika hiɔ, kɛ sika tsu tsuo nɛ piɛ ngɛ Yawɛ we ɔ nito he ɔ, kɛ matsɛ we ɔ nito he ɔ, nɛ e tsɔ e tsɔli ɔmɛ ekomɛ Damasko, nɛ e kɛ ní ɔmɛ ya ha Siria matsɛ, Benhadad, Hezio binyumu Tabrimon bi ɔ. Sɛ gbi nɛ piɛ he ji nɛ ɔ nɛ:

Kronika II, 16:1

Yuda matsɛ, Asa yi nɔ jeha nɛ ji nyingmi etɛ kɛ ekpa a mi ɔ, Israel matsɛ, Baasha ba tua Yuda, nɛ e bɔni gbogbo fiami kɛ ngɛ Rama ma a he woe. E pee nɔ́ nɛ ɔ, bɔ nɛ pee nɛ nɔ ko nɔ ko kó nyɛ nɛ e je Israel kɛ ya Yuda, loo Yuda kɛ ba Israel.

Kronika II, 16:3

“Ha nɛ i kɛ mo waa so kaa bɔ nɛ tsaatsɛ kɛ o tsɛ so ɔ. I ngɛ mo sika hiɔ kɛ sika tsu nike ní manee. Yaa nɛ o kɛ Israel matsɛ, Baasha ya po somi nɛ o kɛ lɛ so ɔ mi, bɔ nɛ pee nɛ e je e ta buli ɔmɛ kɛ je ye zugba a nɔ kɛ ho.”

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.