Kronika II, 16:14 - BAIBLO ALOO NGMAMI KLƆUKLƆU Ɔ

¹⁴ nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Kronika II, 16:14 ပူးပေါင်းရင်းမြစ်များ

Kronika II, 21:19

Jeha enyɔ se ɔ, matsɛ ɔ mi ní je pue si, nɛ e gbo kɛ he hiami nɛ nya wa. Benɛ matsɛ ɔ gbo ɔ, e ma mi bi ɔmɛ slɛ we la ko nɛ tsoo gegeege ɔ kɛ wo e hɛ mi nyami kaa bɔ nɛ a pee kɛ ha e nɛmɛ ɔmɛ ɔ.

Mose I, 50:2

E fa e tsɔli nɛ peeɔ tsopa a ke a wo e tsɛ ɔ tsopa konɛ e ko puɛ; nɛ a pee ja.

Yeremia 34:5

O ma gbo ngɛ tue mi jɔmi mi. Nɛ kaa bɔ nɛ a sã tsopa kɛ e he via kɛ pu o nɛmɛ, nɛ ji matsɛmɛ ɔmɛ nɛ nyɛɛ o hɛ mi ɔ, ja nɔuu a maa sã tsopa kɛ e he via kɛ ha mo. A maa wo yana, nɛ a ma de ke, ‘Nɛnɛ! Due! Due!’ Imi, Yawɛ lɛ i de.”

Marko 16:1

Benɛ Hejɔɔmi ligbi ɔ be ɔ, Maria Magdalena, kɛ Yakobo nyɛ Maria, kɛ Salome ya he tsopa kɛ e he via, konɛ a kɛ ba kpa Yesu gbogboe ɔ.

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Kronika II, 35:24

E tsɔli ɔmɛ je lɛ ngɛ ta zugba lɛ ɔ mi kɛ wo ta zugba lɛ enyɔne ɔ nɛ e hɛɛ kɛ ba a mi, nɛ a kɛ lɛ ba Yerusalem. Lejɛ ɔ e ba gbo ngɛ, nɛ a pu lɛ ngɛ matsɛmɛ ɔmɛ a yɔkɔ ɔmɛ eko mi. Yuda ma a, kɛ Yerusalem ma mi bi ɔmɛ tsuo nyɛ ya ha lɛ.

Mose I, 50:5

Nyɛ de lɛ ke, benɛ tsaatsɛ miɔ nɛ e ma gbo ɔ, e ha nɛ i ka lɛ kita kaa ke e gbo ɔ, ma ya pu lɛ ngɛ Kanaan zugba a nɔ, ngɛ yɔkɔ ɔ nɛ lɛ nitsɛ e tsua ngɔ fɔ si ɔ mi. Nyɛ de lɛ ke, i kpa lɛ pɛɛ nɛ e ha mi blɔ nɛ ma ya pu tsaatsɛ, nɛ ma kpale kɛ ba.”

Samuel I, 31:12

nyumuhi katsɛmɛ ɔmɛ tsuo nyɛɛ nyɔnyɔɔnyɔ kɛ ya Bet Shan ya je Saul gbogboe ɔ, kɛ e binyumu ɔmɛ a ní ɔmɛ kɛ je gbogbo ɔ he, nɛ a ngɔ mɛ kɛ ba Yabesh, nɛ a ba sã mɛ ngɛ lejɛ ɔ.

Kronika II, 16:13

Jeha enyɔ se ɔ, benɛ Asa ná jeha nyingmi eywiɛ kɛ kake ngɛ sɛ ɔ nɔ ɔ, e ba gbo,

Samuel II, 2:32

Yoab kɛ e we bi ɔmɛ ngɔ Asahel nɛ a ya pu lɛ ngɛ e tsɛ yɔkɔ ɔ mi ngɛ Betlehem. Lɔ ɔ se ɔ, a nyɛɛ nyɔnyɔɔnyɔ, nɛ je ba na mɛ heii ngɛ Hebron.

Kronika II, 32:33

Hezekia ba gbo, nɛ a pu lɛ ngɛ matsɛmɛ ɔmɛ a gɔ ɔ mi, ngɛ yiti je ɔ. Benɛ e gbo ɔ, Yuda kɛ Yerusalem tsuo wo e hɛ mi nyami. Hezekia bi Manase ba ye matsɛ ngɛ e se.