Kronika II, 16:1 - BAIBLO ALOO NGMAMI KLƆUKLƆU Ɔ

¹ Yuda matsɛ, Asa yi nɔ jeha nɛ ji nyingmi etɛ kɛ ekpa a mi ɔ, Israel matsɛ, Baasha ba tua Yuda, nɛ e bɔni gbogbo fiami kɛ ngɛ Rama ma a he woe. E pee nɔ́ nɛ ɔ, bɔ nɛ pee nɛ nɔ ko nɔ ko kó nyɛ nɛ e je Israel kɛ ya Yuda, loo Yuda kɛ ba Israel.

Kronika II, 16:1 ပူးပေါင်းရင်းမြစ်များ

Kronika II, 15:19

Ta ko ta ko ti si hu ngɛ Asa be ɔ mi kɛ ya si e matsɛ yemi mi jeha nɛ ji nyingmi etɛ kɛ enuɔ ɔ.

Kronika II, 15:5

Jamɛ a be ɔ mi ɔ, nɔ ko nɔ ko nyɛ we nɛ e jeɔ kpo nɛ e yaa nɛ e baa ngɛ he jɔmi mi, ejakaa haomi kɛ basabasa ngɛ zugba amɛ tsuo a nɔ.

Kronika II, 15:9

Nihi babauu ku kɛ je Efraim, Manase, kɛ Simeon ngɛ Israel kɛ ba Asa ngɔ, nɛ a kɛ lɛ ba hi si; ejakaa a nu kaa Yawɛ kɛ lɛ ngɛ. Asa kpee mɛ tsuo kulaa kɛ piɛ Yuda kɛ Benyamin he.

Kronika II, 16:2

Enɛ ɔ he je ɔ, Matsɛ Asa ya muɔ sika hiɔ, kɛ sika tsu kɛ je Yawɛ we ɔ nito he ɔ, kɛ matsɛ we ɔ nito he ɔ. E tsɔ e tsɔli ɔmɛ ekomɛ Damasko nɛ a kɛ ní ɔmɛ ya ha Siria matsɛ, Benhadad. Sɛ gbi nɛ piɛ he ji nɛ ɔ nɛ:

Yeremia 40:1

Nebuzaradan, tatsɛ ɔ, ngɔ mi ngɛ pã mi kɛ ya Rama. I piɛ Yuda ma a, kɛ Yerusalem ma mi bi ɔmɛ tsuo nɛ a nuu kɛ yaa Babilonia a a he. Se imi lɛɛ e ngmɛɛ ye he ngɛ Rama, nɛ Yawɛ kɛ mi tu munyu ngɛ lejɛ ɔ.

Yeremia 41:9

Vu ɔ nɛ Ishmael sake nihi tsuo nɛ e gbe ɔ a gbogboe ɔmɛ kɛ wo mi ɔ, jamɛ a vu ɔ, Matsɛ Asa lɛ tsua. Matsɛ ɔ tsua vu nɛ ɔ be mi nɛ Israel matsɛ, Baasha ba tua lɛ ɔ. Vu nɛ ɔ mi lɛ Netania bi Ishmael sake ni gbogboe ɔmɛ kɛ wo tɔ ɔ nɛ.