Kronika II, 15:8 - BAIBLO ALOO NGMAMI KLƆUKLƆU Ɔ

⁸ Benɛ Matsɛ Asa nu gba gbi nɛ ɔ kɛ je Oded binyumu Azaria nya a, e nɔ gbagba te. E je amagahi tsuo kɛ je Yuda kɛ Benyamin zugba a nɔ. E je amagahi tsuo kɛ je mahi nɛ e ya kpɔ ngɛ Efraim yo ɔmɛ a nɔ ɔ hu a mi, nɛ e dla Yawɛ bɔ sami la tɛ ɔ nɛ ngɛ Yawɛ we ɔ hɛ mi ɔ.

Kronika II, 15:8 ပူးပေါင်းရင်းမြစ်များ

Matsɛmɛ I, 11:5

E ya ja Sidon bi ɔmɛ a yo mawu ɔ nɛ a tsɛɛ Astarte ɔ, kɛ Amon bi a wɔ yaya a nɛ a tsɛɛ lɛ Milkom ɔ.

Matsɛmɛ I, 11:7

Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

Matsɛmɛ I, 15:9

Israel matsɛ, Yeroboam yi nɔ jeha nyingmi enyɔ ɔ, Asa ba bɔni tsɛ yemi ngɛ Yuda ma a nɔ.

Matsɛmɛ II, 16:14

Lɔ ɔ se ɔ, e je akɔblee bɔ sami la tɛ momo ɔ nɛ maa Yawɛ hɛ mi ɔ kɛ je e ma he ɔ ngɛ Yawɛ we ɔ, kɛ e bɔ sami la tɛ he ɔ a kpɛti ɔ, nɛ e kɛ ya ma e bɔ sami la tɛ he ɔ we omleyi je.

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Kronika II, 13:19

Abiya nyɛɛ Yeroboam se, nɛ e ya kpɔ ma nɛ ɔmɛ ngɛ e dɛ: Betel, Yeshana, Efron, kɛ a he kɔpe ɔmɛ.

Kronika II, 17:2

E ngɔ ta buli ngɔ to Yuda mahi nɛ a fia gbogbo ngɔ wo a he ɔ, kɛ kɔpe ɔmɛ, kɛ Efraim mahi nɛ e tsɛ Asa kpɔ ɔ a mi.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Kronika II, 19:4

Matsɛ Yehoshafat hi Yerusalem, se e pɔɔ blɔ hiami kɛ ya slaa e ma mi bi ɔmɛ, kɛ je Beersheba ngɛ leneyi je kɛ ya si Efraim yo ɔmɛ a nɔ ngɛ omleyi je. Ke e ya a, e kɛ ni ɔmɛ tuɔ munyu, bɔ nɛ pee nɛ a kpale ba nyɛɛ Yawɛ, a nɛmɛ a Mawu ɔ se ekohu.

Kronika II, 29:18

Kɛkɛ nɛ Levi bi ɔmɛ ba Matsɛ Hezekia ngɔ, nɛ a ba bɔ lɛ amaniɛ ke, “Wa pee kusumi kɛ tsukɔ Yawɛ we ɔ tsuo gbe nya. La tɛ ɔ nɛ a sãã sami bɔ ngɛ nɔ ɔ, kɛ okplɔɔ ɔ nɛ a kɛ abolo klɔuklɔu ɔ maa nɔ ɔ, kɛ a he ní ɔmɛ tsuo, wa tsukɔ a he.

Kronika II, 4:1

Matsɛ Salomo ha nɛ a pee akɔblee bɔ sami la tɛ; e kami ji gugue enuɔ, e blimi ji gugue enuɔ, nɛ e hiɔwe yami ji gugue enyɔ kɛ fa.

Kronika II, 8:12

Enɛ ɔ se ɔ, Salomo sã bɔhi kɛ ha Yawɛ ngɛ bɔ sami la tɛ ɔ nɛ e ma ngɛ Yawɛ we ɔ hɛ mi ɔ nɔ.

Yesaya 44:14

E ma nyɛ maa po seda kɛ pee amaga nɛ ɔ, aloo e ma hla odum, loo nga mi tso kpa ko. Ke e suɔ po, e ma du sɛsɛo, nɛ e maa mlɛ kɛ yaa si hiɔmi maa nɛ, nɛ tso ɔ maa wa saminya.

Yesaya 65:4

nyɔ mi tsuo a hii yɔkɔhi a mi, kɛ hehi nɛ e sɛ́ nɛ a na mɛ ngɛ; kpotoo lo pohu a yeɔ, kɛ flɔɔ nɛ a ngɔ níhi nɛ a hiee kɛ pee ngɛ a tsesihi a mi.

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Mose III, 18:30

Yawɛ de kɛ gbe nya ke, “Lɔ ɔ he ɔ, nyɛɛ ye ye mlaa amɛ a nɔ. Musu bɔmi níhi nɛ ni nɛmɛ nɛ hi zugba a nɔ kekle ɔ pee ɔ, nyɛ ko pee nɛ nyɛ ba ble nyɛ he. Imi ji Yawɛ, nyɛ Mawu ɔ nɛ.”

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Ni Tsumi 28:15

Benɛ nyɛmimɛ ɔmɛ nɛ ngɛ Roma a nu wa he ɔ, a ba kpee wɔ ngɛ he ko nɛ a tsɛɛ “Apio Jua nɔ” kɛ “Nibwɔhi a to he Etɛ” ɔ tɔɔ. Benɛ Paulo na mɛ ɔ, e na Mawu si, nɛ e tsui nɔ e mi fuaa.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.