Kronika II, 15:7 - BAIBLO ALOO NGMAMI KLƆUKLƆU Ɔ

⁷ Se nyɛɛ lɛɛ, nyɛ wlua nyɛ! Nyɛ ko ha nɛ nyɛ nine mi nɛ je wu, ejakaa ní tsumi nɛ nyɛ ngɛ tsue ɔ, nyɛ ma na he hiɔwo.”

Kronika II, 15:7 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Kronika II, 32:7

“Nyɛ wlua nyɛ, nɛ nyɛɛ pee kã. Nyɛ ko ye Asiria matsɛ ɔ kɛ e ta babauu ɔ gbeye; ejakaa nɔ nɛ kɛ wɔ ngɛ ɔ, e he wa kulaa pe nɔ nɛ kɛ mɛ ngɛ ɔ.

La 19:11

Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

Yeremia 31:16

Nyɛɛ jɔɔ ya fomi, nɛ nyɛ tsu vo nyu ɔ ngɛ nyɛ hɛ mi. Níhi tsuo nɛ nyɛ pee kɛ ha nyɛ bimɛ ɔmɛ ɔ, a maa wo he hiɔ; bimɛ ɔmɛ maa je he nyɛli ɔmɛ a zugba a nɔ kɛ ba hiɛmɛ nɛ ɔ ekohu.

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Mateo 6:18

Ni kpahi nɛ a ko na kaa nyɛ ngɛ hwɔ hae, ja nyɛ Tsɛ nɛ a nɛ lɛ ɔ pɛ. Kɛkɛ ɔ, nyɛ Tsɛ ɔ nɛ naa nɔ́ nɛ a peeɔ ngɛ laami mi ɔ ma ha nyɛ nɔ́ nɛ ngɛ nyɛ hiae ɔ.

Mateo 6:4

moo ke nɔ́ ngɛ laami mi. Kɛkɛ ɔ, o Tsɛ ɔ nɛ lɛɛ e naa níhi nɛ a peeɔ ngɛ laami mi ɔ maa wo mo hiɔ.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

1 Korintobi 3:14

Ke nɔ ko fia tsu ngɔ fɔ sisi tomi ɔ nɔ, nɛ la sa he, se tsu ɔ daa si kɛ mwɔɔ ɔ, tsu fialɔ ɔ ma na hiɔwo kpakpa.

1 Korintobi 3:8

Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Kolosebi 3:24

Nyɛ na nyɛɛ le kaa nike ní nɛ Mawu ngɔ to ha ni klɔuklɔu ɔmɛ ɔ, nyɛ nine maa su nyɛ hu nyɛ nɔ́ nɔ kaa nyɛ hiɔwo, ejakaa Nyɔmtsɛ Kristo nyɛ ngɛ sɔmɔe.

Hebribi 10:35

Lɔ ɔ he ɔ, nyɛ kɔni mi ko jɔ̃ ngɛ nɔ́ nɛ nyɛ ngɔ nyɛ hɛ ngɔ fɔ nɔ ɔ he, ejakaa nyɛ nine maa su hiɔwo agbo ko nɔ.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 14:14

Lɔ ɔ he ɔ, Hebron ba pee Yefune nɛ je Keniz ɔ binyumu Kaleb weto ní kɛ ba si mwɔnɛ ɔ; ejakaa e bu Yawɛ, Israel Mawu ɔ tue kɛ pi si.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.

Rut Womi 2:12

Yawɛ Israel Mawu ɔ, nɔ ngɔ nɛ o ba sa we ngɛ ɔ, lɛ nitsɛ nɛ e wo mo níhi nɛ o pee ɔ kulaa he hiɔ.”