Kronika II, 15:6 - BAIBLO ALOO NGMAMI KLƆUKLƆU Ɔ

⁶ Je ma kɛ je ma ngɛ ta nɔ; ma kɛ ma hu ja nɔuu, ejakaa Mawu kɛ haomi slɔɔtohi ba a nɔ.

Kronika II, 15:6 ပူးပေါင်းရင်းမြစ်များ

Kronika II, 12:15

Rehoboam he sane kɛ je sisije kɛ ya si nyagbe ɔ, a ngma lɛ tsuo ngɛ gbalɔ Shemaya blema sanehi womi ɔ, kɛ gbalɔ Ido blema sanehi womi ɔ a mi. Daa nɛ ɔ, Rehoboam kɛ Yeroboam ngɛ ta nɔ.

Kronika II, 13:17

Abiya kɛ e tabo ɔmɛ gbe Israel bi ɔmɛ basabasa; Israel ta buli nɛ a kɔni si wa akpe lafa enuɔ sɔuu nɔ ngɛ ta a mi.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

La 106:41

E ngɔ mɛ ngɔ wo je mahi a dɛ mi; nɛ a he nyɛli ɔmɛ ye a nɔ.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 19:2

Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.

Yeremia 25:32

Yawɛ Tabohiatsɛ ɔ ke haomi maa ba je ma amɛ a nɔ nɔtonɔto, nɛ ahumi nɛ nya wa maa fia kɛ je je ɔ nyagbe he ɔmɛ tɔɔ.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Hagai 2:22

nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.

Mateo 24:7

Ma maa te si ngɔ wo ma, nɛ matsɛ yemi maa te si ngɔ wo matsɛ yemi. Hwɔ nɛ nya wa maa ba, nɛ zugba ma mimiɛ ngɛ he tsuaa he.

Marko 13:8

Ma maa te si ngɔ wo ma; nɛ matsɛ yemi maa te si ngɔ wo matsɛ yemi. Zugba ma mimiɛ, nɛ a maa nu he ngɛ hehi fuu; nɛ hwɔ maa ba. Níhi nɛ maa ba nɛ ɔ ngɛ kaa yohɔyo kɔɔmi sisije kɛkɛ.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.