Kronika II, 15:5 - BAIBLO ALOO NGMAMI KLƆUKLƆU Ɔ

⁵ Jamɛ a be ɔ mi ɔ, nɔ ko nɔ ko nyɛ we nɛ e jeɔ kpo nɛ e yaa nɛ e baa ngɛ he jɔmi mi, ejakaa haomi kɛ basabasa ngɛ zugba amɛ tsuo a nɔ.

Kronika II, 15:5 ပူးပေါင်းရင်းမြစ်များ

La 121:8

Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.

Zakaria 8:10

Benɛ jamɛ a be ɔ na we nɛ e su ɔ, nɔ ko nɔ ko nyɛ we nɛ e bɔ nɔmlɔ, loo lohwe apaa kɛ tsu ní. Nɔ ko nɔ ko nyɛ we nɛ e je kpo ya tsu nɔ́ ko, ejakaa he nyɛli ha we nɔ he jɔmi kulaa. I ha nɛ nɔ tsuaa nɔ te si kɛ wo e nyɛmi.

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Mose V, 28:19

“Yawɛ maa gbiɛ nyɛ, nyɛ ba we mi jio, nyɛ hia blɔ jio.

Manyadali 5:6

Anat binyumu Shamgar, kɛ Yael a be ɔ mi ɔ, gbɛjegbɛ ɔmɛ a nɔ fɔɔ si gu, nɛ blɔ nyɛɛli guu nane blɔ.

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;