Kronika II, 15:4 - BAIBLO ALOO NGMAMI KLƆUKLƆU Ɔ

⁴ Se benɛ haomi ba a nɔ ɔ, a kpale kɛ ba Yawɛ Israel Mawu ɔ ngɔ. A hla lɛ, nɛ a na lɛ.

Kronika II, 15:4 ပူးပေါင်းရင်းမြစ်များ

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

La 106:44

Se kɛ̃, benɛ e nu nɛ a ngɛ ngmlaa kpae ɔ a ní pee lɛ mɔbɔ.

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Romabi 10:20

Yesaya hu kɛ kã de ke, “I ha nihi nɛ hla we mi ɔ na mi, Nɛ nihi nɛ bi we ye si ɔ, i je ye he kpo tsɔɔ mɛ.”