Kronika II, 15:2 - BAIBLO ALOO NGMAMI KLƆUKLƆU Ɔ

² nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 15:2 ပူးပေါင်းရင်းမြစ်များ

Matsɛmɛ I, 11:25

Salomo yi nɔ tsuo ɔ, Rezon kɛ Hadad ji e he nyɛli kpanakuhi; Rezon kɛ Hadad sume Israel bi ɔmɛ saasaa, nɛ a pee mɛ nisɛ ní.

Matsɛmɛ I, 18:18

Eliya he nɔ ke, “O kɛ o tsɛ we ɔ, nyɛ lɛ nyɛ ngɛ Israel haoe, se pi imi. Nyɛ nɛ nyɛ tɔ Yawɛ mlaa amɛ a nɔ, nɛ nyɛ ya ja Baalhi.

Matsɛmɛ II, 21:14

Ma a nɛ piɛ ɔ, ma kua mɛ, nɛ ma ngɔ mɛ kɛ wo a he nyɛli a dɛ mi. A maa ye a nɔ nɛ a maa ha a níhi;

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 11:12

E to tsɛ̃ihi, kɛ akplɔhi hu ngɛ ma tsuaa ma mi. Bɔ nɛ e pee nɛ e kɛ ye Yuda kɛ Benyamin nɔ ji nɛ ɔ nɛ.

Kronika II, 12:5

Kɛkɛ nɛ gbalɔ Shemaya ba Rehoboam, kɛ Yuda ganɔ ɔmɛ a ngɔ ngɛ Yerusalem. Blɔɔ Yuda ganɔ nɛ ɔmɛ ya ye Shishak gbeye, nɛ a tu fo kɛ je a ma amɛ a mi ba bua a he nya ngɛ Yerusalem. Shemaya de mɛ ke, “Bɔ nɛ Yawɛ de ji nɛ ɔ nɛ: ‘Nyɛ kua mi, lɔ ɔ he ɔ, imi hu i ngmɛɛ nyɛ he kɛ wo Shishak dɛ mi.’ ”

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 13:4

Tabo ɔmɛ ya bua ngɛ Efraim yo ɔmɛ a nɔ. Matsɛ Abiya ya kuɔ Zemaraim yo ɔ, nɛ e kpa ngmlaa de ke, “Yeroboam kɛ Israel ma a tsuo, nyɛɛ bu mi tue!

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

Kronika II, 15:4

Se benɛ haomi ba a nɔ ɔ, a kpale kɛ ba Yawɛ Israel Mawu ɔ ngɔ. A hla lɛ, nɛ a na lɛ.

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Kronika II, 26:5

Be mi nɛ Zakaria ngɛ je mi ɔ, Uzia sɔmɔ Yawɛ kɛ e tsui tsuo; enɛ ɔ he je ɔ, Yawɛ hu gbaa lɛ. Zakaria ji nɔ nɛ tsɔɔ Uzia Mawu gbeye yemi.

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

La 34:4

I fa kue ha Yawɛ, nɛ e bu mi tue; e ha nɛ i jɔɔ gbeye yemi.

La 53:2

Mawu nɛ ngɛ hiɔwe ɔ ngɛ nimli adesahi tsuo hyɛe; e ngɛ hyɛe kaa e maa na nɔ ko nɛ le nɔ́; nɔ ko nɛ jaa lɛ Mawu ɔ lo.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Yesaya 7:13

Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Amos 5:14

Nyɛɛ pee nɔ́ kpakpa, se pi nɔ́ yayami, konɛ nyɛ yi nɛ na wami. Ke nyɛ pee ja a, Yawɛ Tabohiatsɛ Mawu ɔ kɛ nyɛ maa hi si saminya kaa bɔ nɛ nyɛ deɔ daa ke e kɛ nyɛ ngɛ ɔ.

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Mose IV, 14:42

Nyɛ ko ya, ejakaa Yawɛ be nyɛ se. Ke nyɛ ya a, nyɛ he nyɛli ɔmɛ maa fia nyɛ ní kɛ pue si.

Mose IV, 14:43

Ke nyɛɛ kɛ Amalek bi ɔmɛ, kɛ Kanaan bi ɔmɛ ya bua a, nyɛ maa nɔ ngɛ klaate nya. Yawɛ be nyɛ he piɛe, ejakaa nyɛ kua lɛ.”

Mateo 13:9

Nyagbe ɔ, Yesu de ke, “Nɔ nɛ ngɛ tue ɔ, e nu.”

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Hebribi 10:38

Ye ma a, nihi nɛ peeɔ nɔ́ nɛ da, nɛ a heɔ mi yeɔ ɔ, mɛɛ a yi ma na wami. Se nɔ nɛ kpaleɔ e se ɔ, i be e he bua jɔmi nae.”

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Yoshua 22:31

Osɔfo Eleazar bi Finehas de mɛ ke, “Jehanɛ lɛɛ wa na kaa Yawɛ kɛ wɔ ngɛ. Nyɛ tsɔ we e hɛ mi atuã; mohu ɔ, nyɛ je Israel bi ɔmɛ kɛ je tue gblami nɛ Yawɛ kɛ maa ba a nɔ ɔ mi.”

Yoshua 24:20

nɛ ke nyɛ si lɛ nɛ nyɛ ya sɔmɔ ma se mawuhi ɔ, e mi mi maa wo la, nɛ e maa gbla nyɛ tue. E ngɛ mi kaa e pee nyɛ kpakpa hyɛ lɛɛ, se e ma kpata nyɛ hɛ mi.”

Kpojemi 2:11

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue. “Ni nɛmɛ nɛ maa ye kunimi ɔ, gbenɔ enyɔne ɔ be mɛ nae.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Kpojemi 2:29

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 3:13

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!”

Kpojemi 3:22

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue.”

Kpojemi 3:6

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!

Manyadali 10:13

Se nyɛɛ lɛɛ nyɛ kua mi, nɛ nyɛ ya sɔmɔ mawu kpahi. Enɛ ɔ he je ɔ, imi hu i be nyɛ yi wami hee hu.

Manyadali 9:7

Benɛ Yotam nu he ɔ, e ho ya da si ngɛ Gerizim yo ɔ yi mi, nɛ e kpa ngmlaa nɛ e de ke. “Nyɛɛ bu mi tue, nyɛ Shekem bi, konɛ Yawɛ hu nɛ bu nyɛ tue!

Samuel I, 12:14

Ke nyɛ maa ye Yawɛ, nyɛ Mawu ɔ gbeye, nɛ nyɛ ma sɔmɔ lɛ, nɛ nyɛ be e hɛ mi atuã tsɔe, se nyɛ maa ye e mlaa amɛ a nɔ, nɛ nyɛɛ kɛ nyɛ matsɛ ɔ maa nyɛɛ e se ɔ, lɛɛ e maa hi ha nyɛ.

Samuel I, 12:15

Se ke nyɛ bui Yawɛ tue, nɛ nyɛ tsɔ atuã kɛ si e mlaa amɛ ɔ, nyɛɛ, kɛ nyɛ matsɛ ɔ tsuoyawɛ kɛ nyɛ maa ye saminya.