Kronika II, 15:17 - BAIBLO ALOO NGMAMI KLƆUKLƆU Ɔ

¹⁷ E ngɛ mi kaa Asa gbɛ́ jami he ɔmɛ tsuo ngɛ Israel zugba a mi lɛɛ, se e ye Yawɛ anɔkuale e wami be ɔ tsuo.

Kronika II, 15:17 ပူးပေါင်းရင်းမြစ်များ

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ I, 22:43

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi. Se kɛ̃ ɔ, e hule we wɔ piɛ ɔmɛ, nɛ ma a ya nɔ sã bɔ, kɛ tsopa kɛ e he via ngɛ lejɛ ɔmɛ.

Matsɛmɛ II, 12:3

Se wɔ jami he ɔmɛ ɔ, e puɛ we mɛ; enɛ ɔ he je ɔ, ma a sãã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 14:4

Wɔ jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Kronika II, 15:16

Matsɛ Asa kpa e nyɛ Maaka tete po manyɛ yemi, ejakaa e pee amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ku amaga a ngɔ pue si. E wɛɛ lɛ mɔnyɔmɔnyɔ, nɛ e ya sã lɛ ngɛ Kidron kɔ̃ ɔ mi.

Kronika II, 15:18

Asa ngɔ ní nɛ ɔmɛ kɛ ba ma Yawɛ we ɔ mi: níhi tsuo nɛ e tsɛ Abiya pee mɛ klɔuklɔu kɛ ha Mawu, kɛ sika tsu kɛ sika hiɔ níhi nɛ lɛ Asa nitsɛ e pee mɛ klɔuklɔu kɛ ha Mawu ɔ.

Kronika II, 17:6

E sɔmɔ Yawɛ kɛ e he wami tsuo. E gbɛ jami he ɔmɛ tsuo, nɛ amaga a nɛ a puɛ kɛ ha yo mawu ɔ nɛ ngɛ Yuda nɛ a tsɛɛ Ashera a hu e ku lɛ pue si.

Kronika II, 20:32

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi.

Kronika II, 20:33

Se kɛ̃ ɔ, e hule we jami he ɔmɛ, nɛ ma a kpale we nɛ a ba nyɛɛ Yawɛ, a nɛmɛ a Mawu ɔ se kɛ a tsui tsuo.

Kronika II, 28:4

Ahaz sã bɔ, kɛ tsopa kɛ e he via ngɛ jami he ɔmɛ, yoku ɔmɛ a nɔ, kɛ tsohi nɛ a bɔ kusuu ɔ a sisi.

Kronika II, 33:17

E ngɛ mi kaa ma a ya nɔ sã bɔhi ngɛ jami he kpahi mohu, se bɔ ɔmɛ tsuo nɛ a sã a, Yawɛ pɛ a sã kɛ ha.