Kronika II, 15:14 - BAIBLO ALOO NGMAMI KLƆUKLƆU Ɔ

¹⁴ A kɛ ngmlaa ka kita ngɛ Yawɛ biɛ mi ke a maa ye somi ɔ nɔ. Kɛkɛ nɛ a he ose, nɛ a kpa titimatihi, kɛ kolihi.

Kronika II, 15:14 ပူးပေါင်းရင်းမြစ်များ

Kronika II, 15:13

Nɔ tsuaa nɔ nɛ be Yawɛ, Israel Mawu ɔ jae ɔ, a maa gbe lɛ, jokuɛ jio, nɔkɔtɔma jio, nyumu jio, yo jio.

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 5:13

Jehanɛ hu i je ye mlɛ mi fimi nɔ́ nɛ i huanya, nɛ i de mɛ ke, “Nɔ tsuaa nɔ nɛ be si womi nɛ ɔ nɔ yee ɔ, bɔ nɛ Mawu ma huanya lɛ kɛ je e we, kɛ e ní tsumi he ji nɛ ɔ nɛ; Mawu ma kpɔ nyɛ we ɔmɛ, kɛ nyɛ nɔ́ tsuaa nɔ́ ngɛ nyɛ dɛ, nɛ nyɛ maa pee pasaa.” Ni ɔmɛ tsuo nɛ kpe ngɛ lejɛ ɔ de ke, “Amen”, nɛ a je Mawu yi. Ma nimeli ɔmɛ ye a siwo ɔ nɔ.

La 98:6

Nyɛ kpa titimati, kɛ koli, nɛ nyɛɛ kɛ bua jɔmi hwɔ lele kɛ ha Yawɛ, wa matsɛ ɔ.

Mose II, 24:3

Mose ba nɛ e ba bɔ ma a nɔ́ tsuaa nɔ́ nɛ Yawɛ de lɛ ɔ, kɛ mlaa amɛ tsuo nɛ e wo ɔ. Ma a tsuo nya sɔ nɛ a de ke, “Nɔ́ tsuaa nɔ́ nɛ Yawɛ de wɔ ke waa pee ɔ, wa maa pee.”

Mose II, 24:7

Kɛkɛ nɛ e ngɔ somi womi ɔ, nɛ e kane kɛ ha ma a tsuo. Ma a he nɔ nɛ a de ke, “Wa maa bu Yawɛ tue; nɛ nɔ́ tsuaa nɔ́ nɛ e fa wɔ ke wa pee ɔ, wa maa pee.”

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”