Kronika II, 15:12 - BAIBLO ALOO NGMAMI KLƆUKLƆU Ɔ

¹² A so, nɛ a kplɛɛ kaa a ma ja Yawɛ, a nɛmɛ a Mawu ɔ kɛ a tsui tsuo, kɛ a klaa tsuo.

Kronika II, 15:12 ပူးပေါင်းရင်းမြစ်များ

Matsɛmɛ I, 8:48

Ke a tsake a tsui niinɛ ngɛ jamɛ a zugba a nɔ, nɛ a plɛ a hɛ mi ngɔ kpee zugba nɛ ɔ nɛ o ngɔ ha wa nɛmɛ ɔmɛ, kɛ ma nɛ ɔ nɛ o hla ngɔ to, kɛ we nɛ ɔ nɛ i po ngɔ ha mo ɔ, nɛ a fa kue ha mo ɔ,

Matsɛmɛ II, 11:17

Yehoyada ha Matsɛ Yoash, kɛ ma a kɛ Yawɛ so kaa a maa pee Yawɛ ma. Jehanɛ, e ha nɛ matsɛ ɔ kɛ ma a hu so.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Kronika II, 11:16

Kɛ je Israel wɛtso ɔmɛ tsuo a mi ɔ, nihi nɛ suɔ kaa a ma ja Yawɛ, Israel Mawu ɔ kɛ a tsui tsuo ɔ, nyɛɛ Levi bi ɔmɛ a se kɛ ba Yerusalem. A ba Yerusalem konɛ a ba sã bɔ ha Yawɛ, a nɛmɛ a Mawu ɔ.

Kronika II, 15:4

Se benɛ haomi ba a nɔ ɔ, a kpale kɛ ba Yawɛ Israel Mawu ɔ ngɔ. A hla lɛ, nɛ a na lɛ.

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Kronika II, 23:16

Kɛkɛ nɛ Yawɛ, kɛ ma a, kɛ matsɛ ɔ tsuo so kaa a maa pee Yawɛ ma.

Kronika II, 29:10

“Amlɔ nɛ ɔ, i to ye yi mi kaa i kɛ Yawɛ, Israel Mawu ɔ maa so, konɛ e mi mi nɛ fu wɔ wawɛɛ ɔ se nɛ po.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 9:38

Enɛ ɔmɛ tsuo nɛ ba wa nɔ he je ɔ, wɔ Israel ma a, wa ngɛ si woe veveeve ke wa ma sɔmɔ Yawɛ pɛ. Wa ngma nɔ́ nɛ ɔ kɛ wo womi mi, nɛ wa ma nimeli ɔmɛ, Levi bi ɔmɛ, kɛ wa osɔfo ɔmɛ ngma a biɛhi kɛ wo sisi kɛ sɔu nya.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Ni Tsumi 24:14

Niinɛ ɔ, wa nɛmɛ a Mawu ɔ i jaa ngɛ tsɔɔmi ɔ nɛ mɛɛ a deɔ ke e pi blɔ kpakpa a mi. Imi hu níhi nɛ a ngma ngɛ Mose mlaa a, kɛ gbali ɔmɛ a womi ɔmɛ a mi ɔ, i heɔ lɛ tsuo yeɔ.

2 Korintobi 8:5

Nɔ́ nɛ nyɛɛ se ɔ, wa hɛ be nɔ kulaa! Kekleekle ɔ, a ngɔ a he ngɔ ha kaa a ma sɔmɔ Nyɔmtsɛ Yesu ngɛ blɔ tsuaa blɔ nɔ. Jehanɛ hu, a wo wɔ si ke a maa bu wɔ tue kaa bɔ nɛ Mawu hlaa nɛ a pee ɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Mose V, 29:11

yihi, jokuɛwi, kɛ nyɛ nibwɔhi nɛ gbaa lɛ́, nɛ a yaa pa ha nyɛ ɔ tsuo ngɛ hiɛ ɔ.

Mose V, 29:12

Nyɛ ba hiɛmɛ nɛ ɔ, konɛ nyɛɛ fua ngɔ fɔ somi nɛ Yawɛ, nyɛ Mawu ɔ kɛ nyɛ ngɛ soe ɔ nɔ, nɛ nyɛɛ pɛtɛ níhi nɛ sa nɛ nyɛ tsu ngɛ mi ɔ a he.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Yoshua 24:25

Lɔ ɔ he ɔ, Yoshua kɛ ma a so somi jamɛ a ligbi ɔ ngɛ Shekem, nɛ e wo mɛ mlaahi, nɛ e tsɔɔ mɛ blɔ nya tomihi nɛ́ a ye nɔ.