Kronika II, 15:11 - BAIBLO ALOO NGMAMI KLƆUKLƆU Ɔ

¹¹ Jamɛ a ligbi ɔ, a ngɔ ta yibu ní ɔmɛ nɛ a kɛ ba a eko kɛ sã bɔ ha Yawɛ. Ní ɔmɛ ji na lafa kpaago, kɛ to akpe kpaago.

Kronika II, 15:11 ပူးပေါင်းရင်းမြစ်များ

Kronika II, 1:6

Salomo gbe lohwe akpe nɛ e kɛ sã sami bɔ ngɛ he nɛ a jaa Yawɛ ngɛ ɔ, ngɛ akɔblee bɔ sami la tɛ ɔ nɔ, ngɛ kpe he bo tsu ɔ hɛ mi.

Kronika II, 14:12

Benɛ Asa kɛ Yuda tabo ɔ ya tua Sudan tabo ɔ, Yawɛ ye Sudan tabo ɔ nɔ kunimi. A tu fo,

Kronika II, 15:10

A ba bua a he nya ngɛ Yerusalem, ngɛ Asa matsɛ yemi jeha nɛ ji nyɔngma kɛ enuɔ ɔ we nyɔhiɔ etɛne ɔ mi.

Kronika II, 7:5

Salomo ngɔ ní nɛ ɔmɛ kɛ sã bɔ: na akpe nyingmi enyɔ kɛ enyɔ, kɛ to akpe lafa kɛ nyingmi enyɔ. Kusumi nɛ matsɛ ɔ, kɛ ma a tsuo pee kɛ bli Mawu we ɔ nya ji nɛ ɔ nɛ.

Mose IV, 31:50

Lɔ ɔ he ɔ, wa ti nɔ tsuaa nɔ hɛɛ e dɛ mi nɔ́ ko kɛ ba nɛ a kɛ kpata Yawɛ ha wɔ. Ní ɔmɛ ji sika tsu junehi, kɔni si gahi, nine si gahi, nguɛ gahi, tue nya níhi, kɛ muɛhi.”

Samuel I, 15:15

Saul he nɔ ke, “Ye we bi ɔmɛ kpɔ mɛ kɛ je Amalek bi ɔmɛ a dɛ. A baa jijɔ, kɛ na kpakpa amɛ a yi, konɛ a kɛ mɛ ba sã bɔ ha Yawɛ, o Mawu ɔ; se ní nɛmɛ nɛ piɛ ɔ lɛɛ wa kpata mɛ tsuo a hɛ mi.”

Samuel I, 15:21

Se ta yibu ní ɔmɛ a kpɛti jijɔ, kɛ na kpakpa amɛ nɛ a ke a kpata a hɛ mi ɔ, mɛɛ lɛɛ ma a muɔ mɛ kɛ ba Gilgal, konɛ a kɛ ba sã bɔ ha Yawɛ, o Mawu ɔ.”