Kronika II, 14:6 - BAIBLO ALOO NGMAMI KLƆUKLƆU Ɔ

⁶ E fia gbogbo kɛ wo Yuda ma amɛ a he jamɛ a be ɔ mi. E kɛ nɔ ko nɔ ko hwui ta jehahi babauu, ejakaa Yawɛ ha lɛ tue mi jɔmi.

Kronika II, 14:6 ပူးပေါင်းရင်းမြစ်များ

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Kronika I, 22:9

Se kɛ̃ ɔ, e ha mi si womi ko. E de mi ke, ‘A ma fɔ binyumu ko ha mo, nɛ e maa ye matsɛ ngɛ tue mi jɔmi mi; ejakaa ma ha e kɛ e he nyɛli tsuo nɛ bɔle lɛ ɔ maa hi si ngɛ tue mi jɔmi mi. A ma tsɛ e biɛ ke Salomo, ejakaa e yi nɔ ɔ, ma ha Israel he jɔmi, kɛ tue mi jɔmi.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Matsɛmɛ I, 5:4

Se jehanɛ lɛɛ Yawɛ, ye Mawu ɔ ha mi tue mi jɔmi ngɛ ye huza amɛ a mi he tsuaa he; i be he nyɛli, nɛ nɔ ko hu ti si kɛ wui mi.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Manyadali 3:30

Israel ye Moab nɔ kunimi jamɛ a ligbi ɔ. Nɛ zugba a nɔ jɔ jeha nyingmi kpaanyɔ.

Manyadali 3:11

Zugba a nɔ jɔ jeha nyingmi eywiɛ. Nɛ Kenaz binyumu Otniel ba gbo.

Yoshua 23:1

Be saii se ɔ, Yawɛ ha Israel tue mi jɔmi, nɛ a he nyɛli ɔmɛ nɛ bɔle mɛ ɔ doo we a nya hu. Jamɛ a be ɔ mi ɔ, Yoshua bwɔ kotokoto.

Kronika II, 20:30

Yehoshafat ye matsɛ ngɛ tue mi jɔmi mi, ejakaa e Mawu ɔ ha lɛ he jɔmi ngɛ he tsuaa he kɛ bɔle si.

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Kronika II, 17:4

E sɔmɔ e tsɛ Mawu ɔ; e ye Mawu mlaa amɛ a nɔ, nɛ e pee we e ní kaa Israel matsɛmɛ ɔmɛ.

Kronika II, 26:5

Be mi nɛ Zakaria ngɛ je mi ɔ, Uzia sɔmɔ Yawɛ kɛ e tsui tsuo; enɛ ɔ he je ɔ, Yawɛ hu gbaa lɛ. Zakaria ji nɔ nɛ tsɔɔ Uzia Mawu gbeye yemi.

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.