Kronika II, 14:3 - BAIBLO ALOO NGMAMI KLƆUKLƆU Ɔ

³ E jé ma se bɔ sami la tɛ ɔmɛ. E gbɛ jami he ɔmɛ; e ku amaga amɛ, kɛ amaga a nɛ a puɛ ha yo mawu ɔ nɛ a tsɛɛ Ashera a.

Kronika II, 14:3 ပူးပေါင်းရင်းမြစ်များ

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Matsɛmɛ II, 23:14

Matsɛ Yosia ywia tɛ titimahi, kɛ amagahi nɛ a puɛ ha yo mawu Ashera a dukuduku; nɛ e ya muɔ nimli a wuhi kɛ ba pue a ma he ɔmɛ.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Kronika II, 15:17

E ngɛ mi kaa Asa gbɛ́ jami he ɔmɛ tsuo ngɛ Israel zugba a mi lɛɛ, se e ye Yawɛ anɔkuale e wami be ɔ tsuo.

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Kronika II, 14:2

E ní peepee sa Yawɛ, e Mawu ɔ hɛ mi; e pee nɔ́ nɛ da, kɛ nɔ́ nɛ hi.

Kronika II, 14:4

E fa Yuda bi ɔmɛ ke a pee Yawɛ, a nɛmɛ a Mawu ɔ suɔmi nya ní, nɛ a ye e tsɔɔmi ɔmɛ, kɛ e mlaa amɛ a nɔ.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Kronika II, 33:16

E dla bɔ sami la tɛ ɔ nɛ ngɛ he nɛ a jaa Yawɛ ngɛ ɔ, nɛ e sã tue mi jɔmi bɔhi, kɛ sina bɔhi ngɛ nɔ. E fa Yuda ma a tsuo ke a sɔmɔ Yawɛ, Israel Mawu ɔ.