Kronika II, 14:2 - BAIBLO ALOO NGMAMI KLƆUKLƆU Ɔ

² E ní peepee sa Yawɛ, e Mawu ɔ hɛ mi; e pee nɔ́ nɛ da, kɛ nɔ́ nɛ hi.

Kronika II, 14:2 ပူးပေါင်းရင်းမြစ်များ

Matsɛmɛ I, 15:14

E ngɛ mi kaa Asa puɛ we wɔ jami he ɔmɛ tsuo lɛɛ, se e nyɛɛ Yawɛ se kɛ pi si e wami be ɔ tsuo.

Matsɛmɛ I, 15:11

Asa pee Yawɛ suɔmi nya ní kaa bɔ nɛ e nɛ, David pee ɔ pɛpɛɛpɛ.

Luka 1:75

nɛ waa hi klɔuklɔu, nɛ waa pee nɔ́ nɛ da ngɛ e hɛ mi wa wami be ɔ tsuo.

Kronika II, 31:20

Bɔ nɛ Hezekia dla niye ní ngɛ Yuda tsuo ji nɛ ɔ nɛ. E ye anɔkuale kɛ dami sane, nɛ e pee nɔ́ nɛ sa Yawɛ, e Mawu ɔ hɛ mi.

Matsɛmɛ I, 15:12

E fie nyumu ɔmɛ nɛ ngɔ a he ngɔ ha ajuama bɔmi ngɛ jami kusumi ko nya a kɛ je zugba a nɔ, nɛ e je amaga amɛ tsuo nɛ e nɛmɛ ɔmɛ puɛ ɔ.

Kronika II, 14:1

Matsɛ Abiya ba gbo, nɛ a pu lɛ ngɛ David ma a mi, nɛ e bi Asa ba ye tsɛ ngɛ e se. Asa yi nɔ ɔ, tue mi jɔmi ba zugba a nɔ jeha nyɔngma.

Kronika II, 14:3

E jé ma se bɔ sami la tɛ ɔmɛ. E gbɛ jami he ɔmɛ; e ku amaga amɛ, kɛ amaga a nɛ a puɛ ha yo mawu ɔ nɛ a tsɛɛ Ashera a.

Kronika II, 15:16

Matsɛ Asa kpa e nyɛ Maaka tete po manyɛ yemi, ejakaa e pee amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ku amaga a ngɔ pue si. E wɛɛ lɛ mɔnyɔmɔnyɔ, nɛ e ya sã lɛ ngɛ Kidron kɔ̃ ɔ mi.

Kronika II, 21:12

Gbalɔ Eliya ngma Yehoram womi, nɛ nɔ́ nɛ e ngma ngɛ womi ɔ mi ji nɛ ɔ nɛ: “Yawɛ, o nɛ̃ David Mawu ɔ bu mo fɔ; ejakaa o ya nyɛɛ we o tsɛ Yehoshafat, aloo Yuda matsɛ, Asa blɔ kpakpa amɛ a nɔ.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.

Kronika II, 17:6

E sɔmɔ Yawɛ kɛ e he wami tsuo. E gbɛ jami he ɔmɛ tsuo, nɛ amaga a nɛ a puɛ kɛ ha yo mawu ɔ nɛ ngɛ Yuda nɛ a tsɛɛ Ashera a hu e ku lɛ pue si.

Kronika II, 20:32

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi.

Kronika II, 31:1

Benɛ a ye nyami be ɔmɛ ta a, Israel bi tsuo nɛ ba lejɛ ɔ pue nɔ kɛ ho Yuda ma amɛ a mi ya. A gbɛ jami he ɔmɛ; a ku amagahi nɛ a puɛ kɛ ha yo mawu ɔ nɛ a tsɛɛ Ashera a ngɔ pue si, nɛ a ywia bɔ sami la tɛ ɔmɛ, kɛ jami he ɔmɛ ngɛ Yuda ma amɛ tsuo a mi. A tsu kikɛmɛ a ní nɛ ɔ nɔuu ngɛ Benyamin, Efraim, kɛ Manase zugba amɛ a nɔ, loko a kpale kɛ ho a wehi a mi ya ngɛ a mahi a mi.

Kronika II, 34:7

Yosia ywia bɔ sami la tɛ ɔmɛ, kɛ Ashera amaga amɛ. E wɛɛ amaga amɛ nɛ a pee mɔnyɔmɔnyɔ kaa la zu, nɛ e ywia tsopa kɛ e he via bɔ sami la tɛ ɔmɛ ngɛ Israel zugba a nɔ tsuo loko e kpale kɛ ba Yerusalem.