Kronika II, 14:14 - BAIBLO ALOO NGMAMI KLƆUKLƆU Ɔ

¹⁴ Enɛ ɔ se ɔ, a kpata mahi tsuo pɛpɛɛpɛ nɛ bɔle Gerar kɛ kpe ɔ a hɛ mi, ejakaa ni ɔmɛ ye Yawɛ gbeye. A ha ta yibu ní babauu ngɛ ma nɛ ɔmɛ tsuo a mi.

Kronika II, 14:14 ပူးပေါင်းရင်းမြစ်များ

Kronika II, 17:10

Yawɛ ha nɛ sawale nu matsɛmɛ ɔmɛ nɛ bɔle Yuda a, nɛ a ti nɔ ko nyɛ we nɛ e kɛ Matsɛ Yehoshafat nɛ hwu ta.

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Kronika II, 20:29

Je ma amɛ tsuo nu kaa Yawɛ ye Israel he nyɛli ɔmɛ a nɔ kunimi, nɛ a ye gbeye wawɛɛ nitsɛ.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Kronika II, 20:25

Yehoshafat kɛ e ta buli ɔmɛ ba nɛ a ba ha ní ngɛ ni gbogboe ɔmɛ a he. Ta yibu ní nɛ a ha ji nɛ ɔmɛ nɛ: na babauu, niye ní, tade, kɛ ní kpa komɛ nɛ a he jua wa. A ngɔ ligbi etɛ kɛ bua ta yibu ní ɔmɛ a nya. Se a je fuu he, ejakaa ní ɔmɛ hiɛ tsɔ.

Matsɛmɛ II, 7:16

Kɛkɛ nɛ Samaria bi ɔmɛ ho nɛ a ya ha ní ngɛ Siria bi ɔmɛ a ma sito he ɔ. Nɛ, kaa bɔ nɛ Yawɛ de ɔ, a jua mamu bukɔbukɔ kilo etɛ sika hiɔ yi kake, kɛ blɛfo kilo ekpa hu sika hiɔ yi kake.

Samuel I, 14:15

Sawale nu Filisti bi ɔmɛ ngɛ nga a nɔ. Ta buli ɔmɛ, kɛ ní hali ɔmɛ tsuo a tsui po. Jehanɛ hu zugba mimiɛ, nɛ nɔ́ nɛ ɔ ha sawale nɛ nu mɛ ɔ nya ba wa pe kekle ɔ.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Kronika II, 14:15

A ya tua lohwehi a lɛmi he komɛ hulɔ, nɛ a ha tohi kɛ afukpɔngɔhi babauu. Lɔ ɔ se ɔ, a kpale kɛ ba Yerusalem.

Matsɛmɛ I, 15:23

Asa he sane kpahi nɛ piɛ; kã nɛ e pee, kɛ mahi nɛ e po ɔ, a ngma ngɛ Yuda Matsɛmɛ ɔmɛ a Blema Sanehi Womi ɔ mi. Se e bwɔbwɔɛ si ɔ, e nu nane hiɔ.