Kronika II, 13:9 - BAIBLO ALOO NGMAMI KLƆUKLƆU Ɔ

⁹ Nyɛ fie Yawɛ osɔfo ɔmɛ nɛ ji Aaron nina a; nyɛ fie Levi bi ɔmɛ hulɔ. A nane mi ɔ, nyɛ wo osɔfohi kaa bɔ nɛ je ma amɛ peeɔ ɔ pɛpɛɛpɛ. Nɔ tsuaa nɔ nɛ hɛɛ na ku kake, loo agbosu kpaago kɛ ba tsukɔ e he ɔ, kɛkɛ e plɛ pee osɔfo kɛ ha nyɛ yaka mawu ɔmɛ.

Kronika II, 13:9 ပူးပေါင်းရင်းမြစ်များ

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Matsɛmɛ II, 19:18

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimlihi a nine nya ní tsumihi, kɛ tsohi kɛ tɛhi kɛkɛ ji mɛ.

Kronika I, 29:5

nɛ a kɛ pee níhi tsuo nɛ ga ní tsuli ɔmɛ maa pee ɔ. Lɔ ɔ he ɔ, i ngɛ bie ke nyɛ ti mɛnɔ suɔ kaa e maa je e tsui mi faa nɛ e ke Yawɛ nɔ́ ko lo?”

Kronika II, 13:10

“Se wɔɔ lɛɛ Yawɛ ji wa Mawu; wa kua we lɛ. Wa ngɛ osɔfohi nɛ ji Aaron nina nɛ sɔmɔɔ Yawɛ, kɛ Levi bi nɛ piɛɔ a he kɛ tsuɔ ní.

Kronika II, 29:31

Hezekia de ma a ke, “Jehanɛ lɛɛ nyɛ pee nyɛ he klɔuklɔu. Lɔ ɔ he ɔ, nyɛɛ ngɔ bɔhi, kɛ sina bɔ ba ha Yawɛ.” A pee ja, nɛ a ti ni komɛ je a tsui mi faa nɛ a ngɔ lohwehi kɛ ba konɛ a kɛ sã sami bɔhi.

Mose II, 29:1

“Enɛ ɔ ji nɔ nɛ ó pee nɛ o kɛ tsukɔ Aaron kɛ e binyumu ɔmɛ a he nɛ a sɔmɔ mi kaa ye we osɔfohi. Ngɔɔ na niheyo kake, kɛ agbosu enyɔ nɛ kpa be a he.

Mose II, 29:29

“Ke Aaron gbo ɔ, a pɔ e binyumu ɔmɛ nu nɛ a wo mɛ osɔfo, nɛ a ngɔ e tade klɔuklɔu ɔmɛ ngɔ ha mɛ nɛ a wo.

Mose II, 29:35

“Aaron kɛ e binyumu ɔmɛ a osɔfo womi kusumi ɔ, moo pee lɛ ligbi kpaago kaa bɔ nɛ i fa mo ɔ pɛpɛɛpɛ.

Mose II, 32:29

Mose de mɛ ke, “Mwɔnɛ ligbi nɛ ɔ, nyɛ je nyɛ he ngɔ to kaa Yawɛ sɔmɔli, ejakaa nyɛ ti nɔ tsuaa nɔ gbe lɛ nitsɛ e binyumu, kɛ lɛ nitsɛ e nyɛminyumu. Lɔ ɔ he ɔ, Yawɛ hu maa gbaa nyɛ.”

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Hosea 8:6

Ga ní tsulɔ ko lɛ puɛ amaga a, pi mawu ji lɛ! Sika tsu amaga a nɛ ngɛ Samaria a, ma ku e mi dukuduku!

Mose III, 16:32

Osɔfo nɔkɔtɔma pe kulaa nɛ a pɔ lɛ nu, nɛ a tsukɔ e he, nɛ a wo lɛ osɔfo ngɛ e tsɛ nane mi ɔ nɛ wo osɔfo tade ɔmɛ, nɛ é pee kpatami kusumi ɔmɛ.

Mose III, 8:2

“Ngɔɔ Aaron kɛ e binyumu ɔmɛ, a tade ɔmɛ, nɔ pɔmi nu ɔ, na ku ɔ nɛ a kɛ maa sã yayami pami bɔ ɔ, agbosu enyɔ ɔmɛ, kɛ kusii kɛ e mi abolo kplolo ɔ kɛ ba kpe he bo tsu ɔ sinya a nya;

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.