Kronika II, 13:3 - BAIBLO ALOO NGMAMI KLƆUKLƆU Ɔ

³ Abiya kɛ ta buli nɛ a kɔni si wa akpe lafa eywiɛ gba ta kɛ wo Yeroboam, nɛ Yeroboam kɛ lɛ hu e ta buli akpe lafa kpaanyɔ nɛ mɛ hu a kɔni si wa ya na lɛ.

Kronika II, 13:3 ပူးပေါင်းရင်းမြစ်များ

Kronika II, 11:1

Benɛ Rehoboam ya su Yerusalem ɔ, e hla ta buli nɛ a kɔni si wa akpe lafa kɛ nyingmi kpaanyɔ kɛ je Yuda kɛ Benyamin wɛtso ɔmɛ a mi. E to kaa e kɛ Israel omleyi je wɛtso ɔmɛ ma ya hwu, konɛ e kpɔ matsɛ yemi ɔ kɛ ba je e sisi ekohu.

Kronika I, 21:5

E ba bɔ Matsɛ David amaniɛ ke a ya kane nyumuhi nɛ a he wa, nɛ a su ta yami ayɔ kɛ e nya akpe lafa, ngɛ Israel, kɛ akpe lafa eywiɛ kɛ nyingmi kpaago ngɛ Yuda.

Matsɛmɛ I, 15:7

Abiya he sane kpahi nɛ piɛ ɔ, a ngma ngɛ Yuda Matsɛmɛ ɔmɛ a Blema Sanehi Womi ɔ mi.

Kronika II, 13:2

E hi Yerusalem kɛ ye matsɛ jeha etɛ. E nyɛ biɛ ji Mikaya. Uriel nɛ je Gibea a bi ji lɛ. Ta ba te si ngɛ Abiya kɛ Yeroboam a kpɛti.

Kronika II, 13:4

Tabo ɔmɛ ya bua ngɛ Efraim yo ɔmɛ a nɔ. Matsɛ Abiya ya kuɔ Zemaraim yo ɔ, nɛ e kpa ngmlaa de ke, “Yeroboam kɛ Israel ma a tsuo, nyɛɛ bu mi tue!