Kronika II, 13:2 - BAIBLO ALOO NGMAMI KLƆUKLƆU Ɔ

² E hi Yerusalem kɛ ye matsɛ jeha etɛ. E nyɛ biɛ ji Mikaya. Uriel nɛ je Gibea a bi ji lɛ. Ta ba te si ngɛ Abiya kɛ Yeroboam a kpɛti.

Kronika II, 13:2 ပူးပေါင်းရင်းမြစ်များ

Matsɛmɛ I, 14:19

Yeroboam he sane kpahi nɛ piɛ, tahi nɛ e hwu, kɛ bɔ nɛ e ye tsɛ ha a, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Matsɛmɛ I, 14:20

Yeroboam ye matsɛ jeha nyingmi enyɔ kɛ enyɔ. E ba gbo, nɛ a pu lɛ, nɛ e binyumu Nadab ba ye tsɛ ngɛ e se.

Matsɛmɛ I, 15:2

E hi Yerusalem kɛ ye matsɛ jeha etɛ. E nyɛ ji Maaka, Absalom biyo ɔ.

Kronika II, 11:20

Pee se ɔ, Rehoboam ngɔ Maaka, Absalom biyo ɔ, nɛ e kɛ lɛ fɔ binyumuhi eywiɛ: Abiya, Atai, Ziza, kɛ Shelomit.

Kronika II, 12:15

Rehoboam he sane kɛ je sisije kɛ ya si nyagbe ɔ, a ngma lɛ tsuo ngɛ gbalɔ Shemaya blema sanehi womi ɔ, kɛ gbalɔ Ido blema sanehi womi ɔ a mi. Daa nɛ ɔ, Rehoboam kɛ Yeroboam ngɛ ta nɔ.

Kronika II, 13:3

Abiya kɛ ta buli nɛ a kɔni si wa akpe lafa eywiɛ gba ta kɛ wo Yeroboam, nɛ Yeroboam kɛ lɛ hu e ta buli akpe lafa kpaanyɔ nɛ mɛ hu a kɔni si wa ya na lɛ.

Yoshua 18:28

Zela, Haelef, Yebus (loo Yerusalem), Gibea, kɛ Kiriat Yearim. E peeɔ ma nyɔngma kɛ eywiɛ kɛ a he kɔpehi. Zugba nɛ Benyamin bi ɔmɛ ná kaa a weto ní we puɔ nya we puɔ nya ji nɛ ɔ nɛ.

Manyadali 19:14

Kɛkɛ nɛ a tsa nɔ kɛ ho. Benɛ e piɛ bɔɔ nɛ a maa su Gibea ngɛ Benyamin zugba a nɔ ɔ, pu nɔ si.

Manyadali 19:16

Gbɔkuɛ ɔ, nɔmoyo ko ji nɛ ɔ nɛ je ngmɔ nɔ kɛ ma. Nyumu nɛ ɔ, Efraim yo ɔmɛ a nɔ nɛ e je kɛ ba to nubwɔ ngɛ Gibea, ngɛ Benyamin bi a kpɛti.

Samuel I, 10:26

Saul hu kpale e se kɛ ho e ma mi, Gibea ya. Benɛ e yaa a, Mawu je nyumuhi oblai komɛ ha lɛ, nɛ a kɛ lɛ ho.