Kronika II, 13:16 - BAIBLO ALOO NGMAMI KLƆUKLƆU Ɔ

¹⁶ Israel bi ɔmɛ tu fo ngɛ Yuda bi ɔmɛ a nya, se Mawu ha nɛ Yuda bi ɔmɛ a nine su a nɔ.

Kronika II, 13:16 ပူးပေါင်းရင်းမြစ်များ

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

Kronika II, 13:17

Abiya kɛ e tabo ɔmɛ gbe Israel bi ɔmɛ basabasa; Israel ta buli nɛ a kɔni si wa akpe lafa enuɔ sɔuu nɔ ngɛ ta a mi.

Kronika II, 16:8

Tse Sudan bi ɔmɛ, kɛ Libia bi ɔmɛ ngɛ ta buli, ta zugba lɛhi, kɛ okpɔngɔ ta buli babauu? Se akɛnɛ nyɛ ngɔ nyɛ hɛ ngɔ fɔ Yawɛ nɔ he je ɔ, e ha nɛ nyɛ ye a nɔ kunimi.

Mose V, 2:36

Kɛ je Aroer nɛ ngɛ Arnon kɔ̃ ɔ nya kɛ ya su Gilead ɔ, ma ko ma ko be nɛ wa nyɛ we lɛ; Yawɛ, wa Mawu ɔ ngɔ mɛ tsuo wo wa dɛ.

Mose V, 3:3

“Lɔ ɔ he ɔ, Yawɛ ngɔ Bashan matsɛ, Og hu kɛ e ma a mi bi ɔmɛ tsuo ngɔ wo wa dɛ; wa gbe mɛ tsuo kulaa; nɔ ko nɔ ko píɛ.

Yoshua 10:12

Jamɛ a ligbi ɔ nɛ́ Yawɛ ha Israel ye Amor bi ɔmɛ a nɔ kunimi ɔ, Yoshua kɛ Yawɛ tu munyu ngɛ Israel bi ɔmɛ a hɛ mi, nɛ e de ke, “Pu, da si ngɛ Gibeon, nɛ mo nyɔhiɔ hu, da si ngɛ Aiyalon kɔ̃ ɔ mi.”

Yoshua 21:44

Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

Manyadali 1:4

Benɛ Yuda bi ɔmɛ hia nɛ a gba ta a, Yawɛ ngɔ Kanaan bi ɔmɛ, kɛ Periz bi ɔmɛ ngɔ wo a dɛ mi, nɛ a gbe a kpɛti nihi akpe nyɔngma ngɛ Bezek.

Manyadali 11:21

Se Israel Mawu ɔ ngɔ Sihon kɛ e tabo ɔ tsuo ngɔ wo Israel bi ɔmɛ a dɛ mi, nɛ a ye a nɔ kunimi. Lɔ ɔ he ɔ, Israel bi ɔmɛ ngɔ Amor bi ɔmɛ a zugba a tsuo ngɔ pee mɛ nitsɛmɛ a nɔ.

Samuel I, 23:7

A ya bɔ Saul amaniɛ ke David ho Keila ya. Nɛ Saul de ke, “Mawu je lɛ ngɔ wo ye dɛ mi pɛ; ejakaa nɛ e ná ba sɛ ma nɛ a wo nya agbo kɛ e se dade mi nɛ ɔ, e sá lɛ nitsɛ e yi.”