Kronika II, 13:15 - BAIBLO ALOO NGMAMI KLƆUKLƆU Ɔ

¹⁵ Yuda bi ɔmɛ he ose, nɛ Abiya nyɛɛ a hɛ mi kɛ ya tua Israel bi ɔmɛ. Mawu ye Yeroboam kɛ Israel ma a tsuo a nɔ kunimi.

Kronika II, 13:15 ပူးပေါင်းရင်းမြစ်များ

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 14:12

Benɛ Asa kɛ Yuda tabo ɔ ya tua Sudan tabo ɔ, Yawɛ ye Sudan tabo ɔ nɔ kunimi. A tu fo,

Kronika II, 18:31

Lɔ ɔ he ɔ, benɛ a na Yehoshafat ɔ, a susu kaa Israel matsɛ ɔ ji lɛ, nɛ a plɛ ngɔ kpee lɛ. Se Yehoshafat kpa huhui, nɛ Yawɛ Mawu he e yi wami, nɛ e ha nɛ ta a kpale ngɛ e se.

Kronika II, 20:21

Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

Kronika II, 20:22

Benɛ a hia la a nɛ a bɔni Yawɛ yi jemi pɛ Yawɛ ha nɛ basabasa te si ngɛ he nyɛli ɔmɛ nɛ ba tua Yuda a a kpɛti, nɛ a fia a he ní. Mɛ ji Amon, Moab kɛ Edom bihi.

La 47:1

Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

La 47:5

Mawu ho hiɔwe ya, nɛ a he ose! Yawɛ ho hiɔwe ya, nɛ titimati pɛ, benɛ e yaa hi e sɛ ɔ nɔ ɔ!

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Mose IV, 32:4

nɛ ji mahi nɛ Yawɛ piɛ Israel ma kpekpemi ɔ he kɛ kpɔ ɔ, zugba a hi ha lohwe lɛmi; nɛ wɔ o tsɔli ɔmɛ hu, wa ngɛ lohwehi babauu.

Yoshua 11:8

Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 6:16

Si kpaagone ɔ, benɛ osɔfo ɔmɛ ma bɔni titimati ɔmɛ kpami pɛ nɛ Yoshua fa ma a ke, “Nyɛ he ose, ejakaa Yawɛ ngɔ ma a ngɔ wo nyɛ dɛ!

Yoshua 6:20

Kɛkɛ nɛ osɔfo ɔmɛ bɔni titimati ɔmɛ kpami. Benɛ ma a nu titimati pɛmi ɔ, a he ose wawɛɛ nitsɛ. Kɛkɛ nɛ Yeriko gbogbo ɔ hule pue si. Tabo ɔ tsuo bu kɛ sɛ ma a mi; nɔ tsuaa nɔ nyɛɛ kɛ ya e hɛ mi tɛɛ; nɛ a ya ngɔ ma a.

Manyadali 4:15

Benɛ Barak gba ta a, Yawɛ ha nɛ Sisera kɛ e ta zugba lɛ ɔmɛ, kɛ e tabo ɔmɛ tsuo jija, nɛ a kɛ klaate gbe mɛ pɛsɛpɛsɛ. Sisera nitsɛ lɛɛ e kple si kɛ je e ta zugba lɛ ɔ mi, nɛ e kɛ e nane to he.