Kronika II, 13:12 - BAIBLO ALOO NGMAMI KLƆUKLƆU Ɔ

¹² Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 13:12 ပူးပေါင်းရင်းမြစ်များ

Ni Tsumi 5:39

Se ke Mawu dɛ mi nɛ e je ɔ, nyɛ be Mawu nɔ nyɛe maa ye. Nyɛ ko ba pee nyɛ he kaa nihi nɛ a kɛ Mawu ngɛ ta hwue!” Kpe ngua a ngɔ Gamaliel ga womi ɔ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

Ezekiel 17:9

“Lɔ ɔ he ɔ, imi Nyɔmtsɛ Yawɛ i ngɛ bie ke tso nɛ ɔ yi ma na wami lo? Anɛ kekle kɔle ɔ be tso ɔ gblae nɛ e hia e sipoku tsuo kɛ fɔ he, nɛ e ku e kɔni ɔmɛ, konɛ a gbli lo? E yi mi ba amɛ tsuo ma gbli. Pi he wami tsɔ ko, loo nihi babauu nɛ a ma na loko a maa hia tso nɛ ɔ.

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

Yeremia 2:37

O kɛ o nine ma kpla o yi, nɛ o maa kpale kɛ je Egipt kɛ ba kɛ zo. Nihi nɛ o ngɔ o hɛ ngɔ fɔ a nɔ ɔ, imi Yawɛ i kua mɛ; o be nɔ́ ko nɔ́ ko nae kɛ je a dɛ.”

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Mose V, 28:29

Nyɛ maa hi si tataae piani katakata kaa nɔ nɛ hyɛ we nɔ́, nɛ nyɛ be blɔ nae. Nyɛ nɔ́ ko nɔ́ ko be nɔ yae? A maa wa nyɛ yi mi, nɛ a maa fia nyɛ ojo be tsuaa be; se nyɛ be nɔ ko nae nɛ maa je ngmlaa ha nyɛ.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Mose IV, 31:6

Mose wo mɛ blɔ, nɛ osɔfo Eleazar bi Finehas kɛ mɛ ho ta a ya. Lɛ ji nɔ nɛ hɛɛ ní klɔuklɔu ɔmɛ, kɛ titimati ɔmɛ nɛ a kɛ ma hwɔ lele ɔ.

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Mose IV, 14:41

Se Mose de ke, “Mɛni he je nyɛ pa ngɛ Yawɛ fami ɔ nɔ tue gboe ɔ? Nɔ́ nɛ ɔ be hie.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.