Kronika II, 13:11 - BAIBLO ALOO NGMAMI KLƆUKLƆU Ɔ

¹¹ Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Kronika II, 13:11 ပူးပေါင်းရင်းမြစ်များ

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Mose II, 29:38

“Jehanɛ ɔ, daa ligbi ɔ, o maa ngɔ jijɔ enyɔ nɛ ye jeha kakaaka kɛ sã bɔ ngɛ bɔ sami la tɛ ɔ nɔ.

Luka 1:9

Osɔfo ɔmɛ peeɔ kusumi kɛ fɔɔ sɔ, nɛ a kɛ hlaa a ti nɔ nɛ maa sã tsopa kɛ e he via ngɛ bɔ sami la tɛ ɔ nɔ. Sɔ ɔ ya nɔ Zakaria nɔ, nɛ lɔ ɔ he e ho Nyɔmtsɛ ɔ sɔlemi we ɔ ya a nɛ.

Ezekiel 48:11

Á ngɔ he klɔuklɔu nɛ ɔ kɛ ha osɔfo ɔmɛ nɛ je Zadok weku ɔ mi ɔ. Mɛɛ lɛɛ benɛ Levi bi ɔmɛ a weku ɔ mi ni komɛ ya piɛ Israel bi ɔmɛ a he kɛ pee yayami ɔ, a tsu a blɔ nya ní pɛpɛɛpɛ ha mi.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 44:8

Mɛ nitsɛmɛ a tsu we ye ní klɔuklɔu ɔmɛ a he ní ngɛ ye we ɔ, se mohu a ngɔ nibwɔhi kɛ to ní tsumi ɔmɛ a nya.

Mose IV, 16:46

nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Mose IV, 16:6

Bɔ nɛ nyɛɛ pee ji nɛ ɔ nɛ: mo Kora, kɛ o se nyɛɛli ɔmɛ tsuo nyɛ ya hla ngɛyuhi.

Mose IV, 9:19

Ke e ba mi kaa bɔku ɔ se kɛ ngɛ kpe he ɔ yi mi ligbi babauu po ɔ, Israel bi ɔmɛ buɔ Yawɛ tue, nɛ a hiɛ blɔ.

Mose I, 26:5

Ma gbaa mo, ejakaa Abraham bu mi tue, nɛ e ye ye mlaa amɛ, kɛ ye fami ɔmɛ tsuo a nɔ.”

Kronika II, 13:10

“Se wɔɔ lɛɛ Yawɛ ji wa Mawu; wa kua we lɛ. Wa ngɛ osɔfohi nɛ ji Aaron nina nɛ sɔmɔɔ Yawɛ, kɛ Levi bi nɛ piɛɔ a he kɛ tsuɔ ní.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.

Kronika II, 4:20

kane tso ɔmɛ, kɛ kane ɔmɛ nɛ a kɛ sika tsu ngmingmiingmi pee, nɛ a maa su kɛ ma he klɔuklɔu pe kulaa a hɛ mi kaa bɔ nɛ a tsɔɔ ɔ,