Kronika II, 12:6 - BAIBLO ALOO NGMAMI KLƆUKLƆU Ɔ

⁶ Matsɛ ɔ, kɛ Israel ganɔ ɔmɛ kplɛɛ kaa a pee yayami, nɛ a kɛ he si bami de ke, “Nɔ́ nɛ Yawɛ pee ɔ da.”

Kronika II, 12:6 ပူးပေါင်းရင်းမြစ်များ

Kronika II, 12:12

Akɛnɛ Rehoboam ba e he si he je ɔ, Yawɛ mi mi fumi ɔ tsuo bɛ e nɔ, nɛ a kpataa we e hɛ mi pɛsɛpɛsɛ. Niinɛ, pee se ɔ, níhi a mi ba hi ha Yuda ekohu.

Kronika II, 21:2

Matsɛ Yehoshafat binyumu Yehoram ngɛ nyɛminyumuhi ekpa. Mɛ ji Azaria, Yehiel, Zakaria, Azariahu, Mikael kɛ Shefatia.

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

La 129:4

Yawɛ lɛɛ nɔ́ nɛ da lɛ e peeɔ; e je mi kɛ je yiwutsotsɛmɛ a dɛ mi.”

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Yeremia 13:15

Israel ma, Yawɛ tu munyu! Nyɛɛ ba nyɛ he si, nɛ nyɛɛ bu lɛ tue.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Yeremia 44:10

Se kɛ ba si mwɔnɛ ligbi nɛ ɔ, nyɛ bɛ nyɛ he si. Nyɛ wui ye hɛ mi nyami, nɛ mlaahi tsuo nɛ i wo nyɛ, kɛ nyɛ nɛmɛ ɔmɛ ɔ, nyɛ yi mlaa amɛ a nɔ.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Daniel 5:22

“Nɛ mo Belshazar, Nebukadnezar bi, o le ní nɛ ɔmɛ tsuo; se kɛ̃ ɔ, o bɛ o he si.

Daniel 9:14

Mo Yawɛ, wa Mawu, o to o yi mi kaa o maa gbla wa tue, nɛ ja ji bɔ nɛ o pee nɛ ɔ nɛ; ejakaa moo lɛɛ nɔ́ nɛ da lɛ o peeɔ. Se wa bui mo tue.

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.