Kronika II, 12:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ gbalɔ Shemaya ba Rehoboam, kɛ Yuda ganɔ ɔmɛ a ngɔ ngɛ Yerusalem. Blɔɔ Yuda ganɔ nɛ ɔmɛ ya ye Shishak gbeye, nɛ a tu fo kɛ je a ma amɛ a mi ba bua a he nya ngɛ Yerusalem. Shemaya de mɛ ke, “Bɔ nɛ Yawɛ de ji nɛ ɔ nɛ: ‘Nyɛ kua mi, lɔ ɔ he ɔ, imi hu i ngmɛɛ nyɛ he kɛ wo Shishak dɛ mi.’ ”

Kronika II, 12:5 ပူးပေါင်းရင်းမြစ်များ

Samuel II, 24:14

David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla wa tue, ejakaa mɔbɔ nalɔ ji lɛ.”

Matsɛmɛ I, 12:22

Se Mawu ngɔ sɛ gbi nɛ ɔ ngɔ ha gbalɔ Shemaya ke,

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 11:2

Se Yawɛ ngɔ sɛ gbi nɛ ɔ kɛ ha gbalɔ Shemaya ke,

Kronika II, 12:15

Rehoboam he sane kɛ je sisije kɛ ya si nyagbe ɔ, a ngma lɛ tsuo ngɛ gbalɔ Shemaya blema sanehi womi ɔ, kɛ gbalɔ Ido blema sanehi womi ɔ a mi. Daa nɛ ɔ, Rehoboam kɛ Yeroboam ngɛ ta nɔ.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

La 37:33

Se Yawɛ be dalɔ he ngmɛɛe kɛ wo yayami peelɔ dɛ mi kɔkɔɔkɔ. Ke a ngɔ dalɔ kɛ ba kojomi he hu, Yawɛ be blɔ ngmɛe nɛ a bu lɛ fɔ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”