Kronika II, 12:13 - BAIBLO ALOO NGMAMI KLƆUKLƆU Ɔ

¹³ Rehoboam matsɛ yemi ɔ ba he si ngɛ Yerusalem. E ye jeha nyingmi eywiɛ kɛ kake benɛ e bɔni matsɛ yemi, nɛ e hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a tsuo nɔ kaa he nɛ a ja lɛ ngɛ. Rehoboam nyɛ biɛ ji Naama; e je Amon zugba a nɔ.

Kronika II, 12:13 ပူးပေါင်းရင်းမြစ်များ

Matsɛmɛ I, 14:21

Salomo binyumu Rehoboam ye jeha nyingmi eywiɛ kɛ kake benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a mi tsuo nɛ e ngɔ kɛ pee he nɛ a ja lɛ ngɛ. Rehoboam nyɛ biɛ ji Naama, nɛ Amon no ji lɛ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Nehemia 13:26

I de ke, “Pi ma se yihi nɛ ha nɛ Matsɛ Salomo pee yayami ɔ? Matsɛ Salomo ji matsɛ nguaa pe je ma amɛ a matsɛmɛ ɔmɛ tsuo. Mawu suɔ e sane, nɛ e wo lɛ Israel tsuo nɔ matsɛ; se kɛ̃ ɔ, ma se yi ɔmɛ ha nɛ lɛ po e pee yayami.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

Matsɛmɛ I, 11:1

Matsɛ Salomo su ma se yihi babauu. Ngɛ Egipt matsɛ ɔ biyo ɔ se ɔ, e ngɔ Hit yihi, Moab yihi, Amon yihi, Edom yihi, kɛ Sidon yihi.

Mose V, 23:3

“Amon no, loo Moab no kó futu Yawɛ ma mi bi ɔmɛ a kpe mi kɔkɔɔkɔ. Yi nɔhi nɛ maa ba ngɛ a se kɛ yaa si nyɔngmane ɔ po be he blɔ.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Matsɛmɛ I, 11:36

Se Salomo binyumu ɔ lɛɛ ma ngɔ wɛtso kake ngɔ ha lɛ, bɔ nɛ pee nɛ daa nɛ ɔ, ye tsɔlɔ David nina ko nɛ ye tsɛ ngɛ Yerusalem, ma he nɛ i hla, nɛ a jaa mi ngɛ ɔ.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.