Kronika II, 12:10 - BAIBLO ALOO NGMAMI KLƆUKLƆU Ɔ

¹⁰ Matsɛ Rehoboam ha nɛ a pee akɔblee tsɛ̃ihi kɛ to sika tsu tsɛ̃i ɔmɛ a nane mi, nɛ e to mɛ ngɔ wo tsɔli nɛ hyɛɛ matsɛ we ɔ agbo nya buli ɔmɛ a nɔ ɔ a dɛ mi.

Kronika II, 12:10 ပူးပေါင်းရင်းမြစ်များ

Samuel II, 23:23

E hɛ mi ngɛ nyami pe mɛ, se kekleekle ni etɛ ɔmɛ lɛɛ e na we mɛ. David kɛ lɛ pee e we bi a tabo ɔ nyatsɛ.

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Matsɛmɛ I, 10:16

Matsɛ Salomo pee tsɛ̃i agbo lafa enyɔ, nɛ e kɛ sika tsu nɛ a fia nɔ, nɛ jiimi ji kilo kpaago ha tsɛ̃i tsuaa tsɛ̃i he.

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.

Kronika I, 11:25

E hɛ mi ngɛ nyami pe katsɛmɛ “Nyingmi etɛ ɔmɛ”, se katsɛmɛ “Etɛ ɔmɛ” lɛɛ e na we mɛ. David pee lɛ e we bi a tabo ɔ nyatsɛ.

Kronika II, 12:11

Be tsuaa be nɛ matsɛ ɔ maa ya Yawɛ we ɔ mi ɔ, buli ɔmɛ hu maa hɛɛ tsɛ̃i ɔmɛ kɛ ba sɛ mi. Lɔ ɔ se ɔ, a maa kpale mɛ ya to ngɛ buli ɔmɛ a tsu ɔ mi ekohu.

Kronika II, 12:9

Egipt matsɛ, Shishak ba tua Yerusalem niinɛ, nɛ e ngɔ ma a. E muɔ nɔ́ tsuaa nɔ́ kɛ je, june nɛ ngɛ Yawɛ we ɔ, june nɛ ngɛ matsɛ we ɔ, kɛ sika tsu tsɛ̃ihi nɛ Matsɛ Salomo pee ɔ.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.