Kronika II, 12:1 - BAIBLO ALOO NGMAMI KLƆUKLƆU Ɔ

¹ Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Kronika II, 12:1 ပူးပေါင်းရင်းမြစ်များ

Kronika II, 11:17

Nɔ́ nɛ ɔ wo Yuda matsɛ yemi ɔ mi he wami, nɛ ma a piɛ Salomo bi Rehoboam he jeha etɛ sɔuu; a kɛ lɛ hi si kaa bɔ nɛ a kɛ Matsɛ David, kɛ Matsɛ Salomo hi si ɔ.

Kronika II, 12:13

Rehoboam matsɛ yemi ɔ ba he si ngɛ Yerusalem. E ye jeha nyingmi eywiɛ kɛ kake benɛ e bɔni matsɛ yemi, nɛ e hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a tsuo nɔ kaa he nɛ a ja lɛ ngɛ. Rehoboam nyɛ biɛ ji Naama; e je Amon zugba a nɔ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Hosea 13:1

Be ko nɛ be ɔ, ke Efraim wɛtso ɔ de nɔ́ ko ɔ, Israel wɛtso kpa amɛ yee gbeye; ejakaa a buu Efraim saminya. Se ma a pee yayami kaa a ya ja Baal; lɔ ɔ he ɔ, a ma gbo.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Kronika II, 11:3

“De Yuda matsɛ, Rehoboam, Salomo binyumu ɔ, kɛ Yuda wɛtso ɔ, Benyamin wɛtso ɔ, kɛ ma a nɛ piɛ ɔ ke,

Matsɛmɛ II, 17:19

Yuda wɛtso ɔ nitsɛ po yi Yawɛ, a Mawu ɔ mlaa amɛ a nɔ. Ma se kusumihi nɛ Israel kɛ ba a, lɔ ɔmɛ a he ní mɛ hu a tsuɔ.

Matsɛmɛ I, 12:17

nɛ Rehoboam ye tsɛ ngɛ Israel bi nɛ ngɛ Yuda zugba a mi pɛ a nɔ.

Matsɛmɛ I, 9:9

Nɛ nihi ma he nɔ ke, ‘Ejakaa a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A kɛ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Mose V, 32:18

A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Kronika II, 11:23

Rehoboam to blɔ nya kpakpa; e ha e binyumu ɔmɛ blɔ nya ngɛ mahi nɛ a fia gbogbo ngɔ wo a he ɔ tsuo a mi ngɛ Yuda kɛ Benyamin. E ha mɛ niye ní babauu, nɛ e hla yihi fuu ha mɛ nɛ a ngɔ.

Manyadali 2:15

He tsuaa he nɛ a gba ta kɛ gu kɛkɛ Yawɛ ha matahu ba po mɛ kaa bɔ nɛ e ka kita ke e maa pee mɛ ɔ. Nɛ a yi fi wawɛɛ nitsɛ.

Matsɛmɛ I, 14:21

Salomo binyumu Rehoboam ye jeha nyingmi eywiɛ kɛ kake benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a mi tsuo nɛ e ngɔ kɛ pee he nɛ a ja lɛ ngɛ. Rehoboam nyɛ biɛ ji Naama, nɛ Amon no ji lɛ.

Kronika II, 24:18

Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.