Kronika II, 11:4 - BAIBLO ALOO NGMAMI KLƆUKLƆU Ɔ

⁴ ‘Bɔ nɛ Yawɛ de ji nɛ ɔ nɛ: nyɛɛ kɛ nyɛ nyɛmimɛ Israel bi ɔmɛ ko hwu ta. Nɔ tsuaa nɔ nɛ kpale kɛ ho e we mi ya; ejakaa nɔ́ nɛ ba nɛ ɔ, ye he ngɛ mi.’ ” A bu Yawɛ tue, nɛ a kpale kɛ ho a wehi a mi ya kaa bɔ nɛ Yawɛ fa mɛ ɔ.

Kronika II, 11:4 ပူးပေါင်းရင်းမြစ်များ

Mose I, 13:8

Abram de Lot ke, “Nyɛmimɛ ji wɔ; wa ko pɛ, nɛ wa ko ha nɛ pɛ ba sɛ wa lohwe nɔ hyɛli ɔmɛ hu a kpɛti.

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

Samuel II, 2:26

Abner kpa ngmlaa kɛ tsɛ Yoab nɛ e de lɛ ke, “Anɛ waa ya nɔ waa hi wa he gbee kɛ mwɔɔ lo? Anɛ o li kaa nyagbenyagbe ɔ, wɔ tsuo wa hɛ mi ma kpata lo? Mɛni be o ngɛ mlɛe loko o fa o we bi ɔmɛ nɛ a jɔɔ mɛ nitsɛmɛ a nyɛmimɛ a se nyɛɛmi lo?”

Matsɛmɛ I, 22:36

Pu si nɔmi be ɔ, a fiɛ ngɛ Israel ta a mi ke, “Nɔ tsuaa nɔ nɛ kpale kɛ ho e zugba nɔ, kɛ e ma mi ya!”

Kronika II, 11:3

“De Yuda matsɛ, Rehoboam, Salomo binyumu ɔ, kɛ Yuda wɛtso ɔ, Benyamin wɛtso ɔ, kɛ ma a nɛ piɛ ɔ ke,

La 33:11

Se Yawɛ yi mi tomi ɔmɛ ngɛ daa; e susumi ɔmɛ ngɛ kɛ yaa neneene.

Hosea 8:4

“Ye ma a wo matsɛmɛ nɛ i li he nɔ́ ko. A hla ma nimeli hu nɛ a bi we mi gbi. A ngɔ sika hiɔ, kɛ sika tsu kɛ puɛ amagahi nɛ ma kpata mɛ nitsɛmɛ a hɛ mi.

Ni Tsumi 7:26

E nɔ jena a, e ba na Israel bi enyɔ nɛ a ngɛ kunɔ nɔe. E ya kpata mɛ, nɛ e de ke, ‘Tsaatsɛmɛ, nyɛɛ lɛɛ nyɛmimɛ ji nyɛ, mɛni he je nyɛ ngɛ kunɔ nɔe?’

Hebribi 13:1

Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.