Kronika II, 11:23 - BAIBLO ALOO NGMAMI KLƆUKLƆU Ɔ

²³ Rehoboam to blɔ nya kpakpa; e ha e binyumu ɔmɛ blɔ nya ngɛ mahi nɛ a fia gbogbo ngɔ wo a he ɔ tsuo a mi ngɛ Yuda kɛ Benyamin. E ha mɛ niye ní babauu, nɛ e hla yihi fuu ha mɛ nɛ a ngɔ.

Kronika II, 11:23 ပူးပေါင်းရင်းမြစ်များ

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Kronika II, 21:3

A tsɛ ha mɛ sika tsu, sika hiɔ, kɛ ní kpa komɛ nɛ a he jua wa babauu nitsɛ; nɛ e ngɔ mɛ ngɔ to Yuda mahi nɛ a fia gbogbo ngɔ wo a he ɔ a mi kakaaka. Se Yehoram lɛɛ akɛnɛ lɛ ji bitɛte he je ɔ, Yehoshafat ngɔ lɛ ngɔ pee nɔ nɛ maa ye tsɛ ngɛ e se.

Mose I, 25:6

se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Kronika II, 11:5

Rehoboam hi Yerusalem, nɛ e fia gbogbo ngɔ wo Yuda kɛ Benyamin ma nɛ ɔmɛ a he:

Kronika II, 11:22

Rehoboam ngɔ Maaka binyumu Abiya kɛ to ganɔ ngɛ e bimɛ ɔmɛ tsuo a nya, ejakaa e hla lɛ ngɔ to kaa nɔ nɛ ma ba ye matsɛ ngɛ e se.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.