Kronika II, 11:21 - BAIBLO ALOO NGMAMI KLƆUKLƆU Ɔ

²¹ Yihi tsuo nɛ Rehoboam ngɔ ji nyɔngma kɛ kpaanyɔ, kɛ plãhi hu nyingmi ekpa. E ngɛ binyumuhi nyingmi enyɔ kɛ kpaanyɔ, kɛ biyihi nyingmi ekpa. Nɔ nɛ e suɔ pe kulaa ngɛ e yi ɔmɛ kɛ e plã amɛ a kpɛti ji Absalom biyo Maaka.

Kronika II, 11:21 ပူးပေါင်းရင်းမြစ်များ

Mose V, 17:17

Matsɛ ɔ ko ngɔ yihi fuu; ejakaa ke e pee ja a, e tsui maa je Yawɛ he. E ko bua sika hiɔ kɛ sika tsu babauu nya ha e he.

Matsɛmɛ I, 11:3

Salomo ngɔ matsɛmɛ a biyihi lafa kpaago, nɛ e su plãhi hu lafa etɛ. E yi ɔmɛ ha e yi mi plɛ kɛ je Mawu he,

Samuel II, 5:13

Benɛ David hia kɛ je Hebron kɛ ba Yerusalem ɔ, e ba ngɔ yihi babauu, nɛ e su plahi fuu; nɛ a fɔ binyumuhi kɛ biyihi ha David kɛ piɛ kekle ni ɔmɛ a he.

Manyadali 8:30

Gideon fɔ binyumuhi nyingmi kpaago, nɛ ji lɛ nitsɛ e bimɛ, ejakaa e ngɔ yihi babauu.

Kronika II, 11:23

Rehoboam to blɔ nya kpakpa; e ha e binyumu ɔmɛ blɔ nya ngɛ mahi nɛ a fia gbogbo ngɔ wo a he ɔ tsuo a mi ngɛ Yuda kɛ Benyamin. E ha mɛ niye ní babauu, nɛ e hla yihi fuu ha mɛ nɛ a ngɔ.

Mose I, 22:24

Nahor kɛ e plã ko nɛ a tsɛɛ lɛ Reuma hu fɔ binyumuhi eywiɛ. A biɛhi ji Teba, Gaham Tahash, kɛ Maaka.

Matsɛmɛ I, 15:2

E hi Yerusalem kɛ ye matsɛ jeha etɛ. E nyɛ ji Maaka, Absalom biyo ɔ.

Mose V, 21:16

Lɔ ɔ lɛɛ ke be su nɛ e maa dla weto ní ha e binyumu ɔmɛ ɔ, nyumu ɔ be he blɔ kaa e ngɔɔ yo nɛ e suɔ lɛ saminya a bi ɔ ngɔ peeɔ bi nɔkɔtɔma ngɛ yo nɛ e sume lɛ ɔ bi ɔ nane mi.