Kronika II, 11:20 - BAIBLO ALOO NGMAMI KLƆUKLƆU Ɔ

²⁰ Pee se ɔ, Rehoboam ngɔ Maaka, Absalom biyo ɔ, nɛ e kɛ lɛ fɔ binyumuhi eywiɛ: Abiya, Atai, Ziza, kɛ Shelomit.

Kronika II, 11:20 ပူးပေါင်းရင်းမြစ်များ

Kronika II, 11:19

Rehoboam kɛ e yo ɔ fɔ binyumuhi etɛ: Yeush, Shemaria, kɛ Zaham.

Kronika II, 11:21

Yihi tsuo nɛ Rehoboam ngɔ ji nyɔngma kɛ kpaanyɔ, kɛ plãhi hu nyingmi ekpa. E ngɛ binyumuhi nyingmi enyɔ kɛ kpaanyɔ, kɛ biyihi nyingmi ekpa. Nɔ nɛ e suɔ pe kulaa ngɛ e yi ɔmɛ kɛ e plã amɛ a kpɛti ji Absalom biyo Maaka.

Kronika II, 12:16

Rehoboam ba gbo, nɛ a pu lɛ ngɛ David ma a mi; nɛ e binyumu Abiya ba ye tsɛ ngɛ e se.

Kronika II, 13:1

Israel matsɛ, Yeroboam yi nɔ, jeha nɛ ji nyɔngma kɛ kpaanyɔ ɔ, Abiya ba bɔni tsɛ yemi ngɛ Yuda ma a nɔ.

Kronika II, 13:2

E hi Yerusalem kɛ ye matsɛ jeha etɛ. E nyɛ biɛ ji Mikaya. Uriel nɛ je Gibea a bi ji lɛ. Ta ba te si ngɛ Abiya kɛ Yeroboam a kpɛti.

Mateo 1:7

Salomo fɔ Rehoboam, nɛ Rehoboam fɔ Abiya, nɛ Abiya fɔ Asa.