Kronika II, 11:14 - BAIBLO ALOO NGMAMI KLƆUKLƆU Ɔ

¹⁴ Levi bi ɔmɛ je a kɔpe ɔmɛ, kɛ a zugba kpa amɛ a he, nɛ a ba Yuda kɛ Yerusalem, ejakaa Israel matsɛ, Yeroboam kɛ e se yeli ɔmɛ ngmɛ́ mɛ blɔ nɛ a tsu ní kaa Yawɛ we osɔfohi.

Kronika II, 11:14 ပူးပေါင်းရင်းမြစ်များ

Kronika II, 13:9

Nyɛ fie Yawɛ osɔfo ɔmɛ nɛ ji Aaron nina a; nyɛ fie Levi bi ɔmɛ hulɔ. A nane mi ɔ, nyɛ wo osɔfohi kaa bɔ nɛ je ma amɛ peeɔ ɔ pɛpɛɛpɛ. Nɔ tsuaa nɔ nɛ hɛɛ na ku kake, loo agbosu kpaago kɛ ba tsukɔ e he ɔ, kɛkɛ e plɛ pee osɔfo kɛ ha nyɛ yaka mawu ɔmɛ.

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Kronika II, 11:13

Osɔfohi kɛ Levi bi tsuo nɛ ngɛ Israel zugba a nɔ ɔ je a hi he ɔmɛ kɛ ba Rehoboam ngɔ ngɛ Yuda.

Mose IV, 35:8

Mahi nɛ o maa ngɔ ngɛ Israel wɛtso slɔɔto ɔmɛ a dɛ kɛ ha Levi bi ɔmɛ ɔ, bɔ nɛ o maa pee ji nɛ ɔ nɛ: wɛtsohi nɛ a he hiɛ ɔ, o he fuu ngɛ a dɛ, se wɛtsohi nɛ a he pi ɔ, o he bɔɔ pɛ ngɛ a dɛ.”