Kronika II, 10:4 - BAIBLO ALOO NGMAMI KLƆUKLƆU Ɔ

⁴ “O tsɛ Salomo wa wɔ yi mi wawɛɛ nitsɛ; tlomi nɛ e ngɔ kɛ tloo wɔ ɔ, tlomi ɔ jiɔ tsɔ. Ke o ma ha nɛ wa tlomi ɔ nɔ ma gbɔ bɔɔ, nɛ wa he mi maa jɔ wɔ ɔ, lɛɛ wa ma sɔmɔ mo.”

Kronika II, 10:4 ပူးပေါင်းရင်းမြစ်များ

Matsɛmɛ I, 12:4

“O tsɛ Salomo wa wɔ yi mi wawɛɛ nitsɛ; tlomi nɛ e ngɔ kɛ tloo wɔ ɔ jiɔ tsɔ. Ke o ma ha nɛ wa tlomi ɔ nɔ ma gbɔ bɔɔ, nɛ́ wa he mi maa jɔ wɔ ɔ, lɛɛ wa ma sɔmɔ mo.”

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Matsɛmɛ I, 4:25

Salomo yi nɔ ɔ, Yuda kɛ Israel tsuo hi si ngɛ he jɔmi mi kɛ je Dan kɛ ya si Beersheba; nɔ tsuaa nɔ ngɛ lɛ nitsɛ e wai tso kɛ ngmɔkɔ tso.

Matsɛmɛ I, 5:13

Matsɛ Salomo hla nihi akpe nyingmi etɛ kɛ je Israel tsuo kɛ ha ma ní tsumi nɛ a nyɛɔ nɔ nɔ kɛ tsuɔ kpakpataa a,

Matsɛmɛ I, 5:15

Jehanɛ hu, Salomo ngɛ tɛ gbali akpe nyingmi kpaanyɔ, kɛ tɛ tlooli akpe nyingmi kpaago ngɛ yoku ɔmɛ a nɔ,

Matsɛmɛ I, 9:22

Israel bi ɔmɛ nitsɛmɛ lɛɛ Salomo ngɔɛ a ti nɔ ko nɔ ko kɛ pee we nyɔguɛ; mɛɛ a tsu ní kaa e ta buli, tsɔli, asafoatsɛmɛ, ta zugba lɛ nyatsɛmɛ, kɛ okpɔngɔ ta buli.

Kronika II, 10:3

Ma a tsɔ ya kpee lɛ kɛ ba, nɛ e kɛ mɛ tsuo ba Rehoboam ngɔ ba de lɛ ke,

Kronika II, 10:5

Rehoboam he nɔ ke, “Nyɛ ha mi ligbi etɛ nɛ ma kɛ susu sane nɛ ɔ he, konɛ nyɛɛ kpale kɛ ba.”

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Mateo 23:4

A boɔ tlomi nɛ jiɔ, nɛ e tloomi wa kɛ pueɔ nihi a konɔ; se mɛ nitsɛmɛ lɛɛ a nine nguɛ kake tete po sɛ tlomi ɔ he.

1 Yohane 5:3

Ejakaa ke wa suɔ Mawu ɔ, wa yeɔ e mlaa amɛ a nɔ. Nɛ e mlaa amɛ a nɔ yemi wɛ kulaa,