Kronika II, 10:2 - BAIBLO ALOO NGMAMI KLƆUKLƆU Ɔ

² Benɛ Nebat binyumu Yeroboam nɛ tu fo kɛ je Matsɛ Salomo nya nɛ e ya laa a he ngɛ Egipt ɔ, nu nɔ́ nɛ ɔ he ɔ, e kpale kɛ ba we.

Kronika II, 10:2 ပူးပေါင်းရင်းမြစ်များ

Matsɛmɛ I, 11:26

Nɔ kpa ko hu nɛ te si ngɔ wo Matsɛ Salomo ji e tsɔli ɔmɛ a ti nɔ kake nɛ ji Nebat binyumu Yeroboam nɛ je Zereda ngɛ Efraim ɔ. Yalɔyo ko nɛ a tsɛɛ Zerua a bi ji lɛ.

Matsɛmɛ I, 11:28

Yeroboam ji niheyo ko nɛ kɔni si wa, nɛ benɛ Salomo na kaa e tsuɔ ní saminya a, e ngɔ lɛ ngɔ pee ni nɛmɛ nɛ a nyɛɛ a nɔ kɛ tsuɔ ma ní tsumi kpakpataa a a nɔ hyɛlɔ ngɛ Manase, kɛ Efraim wɛtso ɔmɛ a mi.

Matsɛmɛ I, 11:40

Enɛ ɔ he je ɔ, Salomo hla kaa e maa gbe Yeroboam, se Yeroboam tu fo kɛ ho Matsɛ Shishak ngɔ ya ngɛ Egipt, nɛ e ya hi lejɛ ɔ kɛ ya si Salomo gbo.

Matsɛmɛ I, 12:2

Benɛ Nebat binyumu Yeroboam nɛ tu fo kɛ je Matsɛ Salomo nya, nɛ e ya laa e he ngɛ Egipt ɔ nu nɔ́ nɛ ɔ he ɔ, e kpale kɛ ba we.

Kronika II, 10:3

Ma a tsɔ ya kpee lɛ kɛ ba, nɛ e kɛ mɛ tsuo ba Rehoboam ngɔ ba de lɛ ke,

Kronika II, 9:29

Salomo he sane kpahi nɛ piɛ, kɛ je sisije kɛ ya si nyagbe ɔ, a ngma ngɛ blema sanehi womi nɛ ɔmɛ a mi: gbalɔ Natan he sane, Ahiya nɛ je Shilo ɔ gbami ɔ, kɛ gbalɔ Ido nina amɛ nɛ kɔɔ Israel matsɛ, Yeroboam hu tsɛ yemi he.