Kronika II, 10:16 - BAIBLO ALOO NGMAMI KLƆUKLƆU Ɔ

¹⁶ Benɛ Israel ma a tsuo na kaa matsɛ ɔ bui mɛ tue ɔ, a he ose, nɛ a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ! Israel ma, nɔ tsuaa nɔ nɛ pue lɛ nitsɛ e we mi blɔ. Nyɛ ha nɛ Rehoboam nɛ ye tsɛ ngɛ David we ɔ mi!” Kɛkɛ nɛ Israel ma a tsɔ atuã,

Kronika II, 10:16 ပူးပေါင်းရင်းမြစ်များ

Kronika II, 10:19

Kɛ je jamɛ a be ɔ mi ɔ, Israel omleyi je ma a tsɔ atuã kɛ je David we ɔ he kɛ ba si mwɔnɛ ɔ.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ e he nyɛli tsuo ngɔ wo e nane si.

Ni Tsumi 2:30

Gbalɔ ji lɛ, nɛ si nɛ Mawu wo lɛ ɔ, e le. Mawu wo David si kaa e ma ha e nina ma ba ye tsɛ kaa bɔ nɛ lɛ David ɔ ye tsɛ ɔ.

Yohane 6:66

Jehanɛ ɔ, munyu nɛ ɔmɛ a he je ɔ, Yesu se nyɛɛli ɔmɛ a ti nihi babauu kpale a se, nɛ a kɛ lɛ nyɛɛ we hu.

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Kronika I, 17:14

Ma ngɔ lɛ ngɔ to ye ma a nya, nɛ e maa ye matsɛ ngɛ Israel nɔ kɛ maa ya neneene. E matsɛ yemi ɔ se be poe gblegbleegble.’ ”

Matsɛmɛ I, 11:13

I be matsɛ yemi ɔ tsuo kpɔe ngɛ e dɛ. Ngɛ ye tsɔlɔ David he, kɛ Yerusalem nɛ i ngɔ kɛ pee imi nitsɛ ye ma a he je ɔ, ma ha lɛ wɛtso kake.”

Samuel II, 16:11

Jehanɛ, David de Abishai, kɛ e tsɔli ɔmɛ tsuo ke, “Nyɛɛ hyɛ, ke imi nitsɛ ye bi fɔfɔɛ ngɛ ye wami se blɔ hlae ɔ, lɛɛ Benyamin no nɛ ɔ, mɛni tsiɔ lɛ blɔ? Nyɛɛ ngmɛɛ e he nɛ e gbiɛ mi faa, ejakaa Yawɛ nɛ de lɛ ke e pee ja a nɛ.

Samuel II, 15:13

Tsɔlɔ ko ba David ngɔ ba de lɛ ke, “Absalom ya dɔ Israel bi ɔmɛ kɛ je o se ya piɛ e he, nɛ a ngɛ o yi nɔ soe.”

Samuel I, 22:13

Saul bi lɛ ke, “Mɛni he je nɛ o kɛ Ishai binyumu ɔ nyɛ so wo ye he ɔ? Mɛni he je o ha lɛ niye ní, kɛ klaate, nɛ jehanɛ hu o bi Mawu ga womi ha lɛ ɔ? Amlɔ nɛ ɔ, e te si wo mi, nɛ e ngɛ ye he blɔ hlae nɛ e gbe mi!”

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.

Samuel I, 22:7

Kɛkɛ nɛ Saul de e tsɔli ɔmɛ ke, “Nyɛ Benyamin bi, nyɛɛ bu tue! Pe nyɛ susu kaa Ishai binyumu ɔ ma ha nyɛ ti nɔ tsuaa nɔ zugba kɛ wai ngmɔ, nɛ e maa pee nyɛ tsuo kulaa asafoatsɛmɛ ngɛ nihi akpehi kɛ lafahi a nya,

Samuel I, 20:27

E nɔ jena nɛ ji ligbi nɛ nyɛɛ Nyɔhiɔhe nyami be ɔ se ɔ, David blɔ he ɔ fɔɔ si ekohu. Kɛkɛ nɛ Saul bi Yonatan ke, “Mɛni he je Ishai binyumu ɔ ba yi ní hiɛ kɛ mwɔnɛ ɔ?”

Manyadali 8:35

Ngɛ kpakpa babauu nɛ Yerubaal (nɛ ji Gideon) pee Israel bi ɔmɛ ɔ nane mi ɔ, Israel pee otlumu ngɛ Gideon we mi bimɛ ɔmɛ a nɔ.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Kronika II, 10:17

nɛ Rehoboam ye tsɛ ngɛ Israel bi nɛ ngɛ Yuda ma amɛ a mi ɔ pɛ a nɔ.