Kronika II, 10:15 - BAIBLO ALOO NGMAMI KLƆUKLƆU Ɔ

¹⁵ Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi. Yawɛ lɛ ha nɛ matsɛ ɔ pee ja a, bɔ nɛ pee nɛ si ko nɛ lɛ Yawɛ ɔ wo Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Kronika II, 10:15 ပူးပေါင်းရင်းမြစ်များ

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Matsɛmɛ I, 12:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi; Yawɛ lɛ ha nɛ matsɛ ɔ pee ja, bɔ nɛ pee nɛ si nɛ lɛ Yawɛ, ɔ Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Matsɛmɛ I, 12:24

‘Bɔ nɛ Yawɛ de ji nɛ ɔ nɛ: nyɛɛ kɛ nyɛ nyɛmimɛ Israel bi ɔmɛ ko hwu ta. Nɔ tsuaa nɔ nɛ kpale kɛ ho e we mi ya; ejakaa nɔ nɛ ba nɛ ɔ, ye he ngɛ mi.’ ” A bu Yawɛ tue, nɛ a kpale kɛ ho a wehi a mi ya kaa bɔ nɛ Yawɛ fa mɛ ɔ.

Matsɛmɛ I, 22:20

Yawɛ bi ke, ‘Mɛnɔ ma ya mlɔɔ Ahab, bɔ nɛ pee nɛ e ya tua Ramot Gilead, nɛ a ya gbe lɛ ngɛ lejɛ ɔ?’ Hiɔwe bɔfo ɔmɛ ekomɛ de kikɛ, nɛ ekomɛ hu de kikɛ.

Kronika II, 10:14

kaa bɔ nɛ nihewi ɔmɛ wo lɛ ga ke e pee ɔ. E de mɛ ke, “Tsaatsɛ ngɔ tlomi nɛ jiɔ ngɔ tloo nyɛ, se imi lɛɛ i kɛ tlomi ɔ eko ma pa piɛ he ha nyɛ. Tsaatsɛ kɛ kpa gu fia nyɛ, se imi lɛɛ i kɛ okpɔngɔ kpa maa fia nyɛ!”

Kronika II, 11:4

‘Bɔ nɛ Yawɛ de ji nɛ ɔ nɛ: nyɛɛ kɛ nyɛ nyɛmimɛ Israel bi ɔmɛ ko hwu ta. Nɔ tsuaa nɔ nɛ kpale kɛ ho e we mi ya; ejakaa nɔ́ nɛ ba nɛ ɔ, ye he ngɛ mi.’ ” A bu Yawɛ tue, nɛ a kpale kɛ ho a wehi a mi ya kaa bɔ nɛ Yawɛ fa mɛ ɔ.

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Kronika II, 9:29

Salomo he sane kpahi nɛ piɛ, kɛ je sisije kɛ ya si nyagbe ɔ, a ngma ngɛ blema sanehi womi nɛ ɔmɛ a mi: gbalɔ Natan he sane, Ahiya nɛ je Shilo ɔ gbami ɔ, kɛ gbalɔ Ido nina amɛ nɛ kɔɔ Israel matsɛ, Yeroboam hu tsɛ yemi he.

Yesaya 19:14

Yawɛ ha a juɛmi tsaka, nɛ a woɔ ga yaya. Lɔ ɔ he ɔ, yayami sɔuu Egipt ngɛ pee. Ma a mi bi ɔmɛ ngɛ si tataae kaa dã tɔlɔ ko nɛ ngɛ si nɔe ngɛ lɛ nitsɛ e vie mi.

Yohane 19:24

Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Manyadali 14:4

E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.