Kronika II, 1:6 - BAIBLO ALOO NGMAMI KLƆUKLƆU Ɔ

⁶ Salomo gbe lohwe akpe nɛ e kɛ sã sami bɔ ngɛ he nɛ a jaa Yawɛ ngɛ ɔ, ngɛ akɔblee bɔ sami la tɛ ɔ nɔ, ngɛ kpe he bo tsu ɔ hɛ mi.

Kronika II, 1:6 ပူးပေါင်းရင်းမြစ်များ

Matsɛmɛ I, 3:4

Ligbi ko ɔ, Salomo ya Gibeon, nɛ́ e ya sã bɔ. Gibeon ji he nɛ wɔ piɛ nguaa a ngɛ; nɛ bɔ sami la tɛ ɔ nɛ ngɛ lejɛ ɔ, e nɔ Salomo sã sami bɔ akpe abɔ ngɛ ba be.

Matsɛmɛ I, 8:5

Jehanɛ, Matsɛ Salomo, kɛ Israel ma kpekpemi ɔ tsuo ya bua a he nya ngɛ somi daka a hɛ mi, nɛ a gbe to, kɛ na babauu nɛ a li nya kɛ sã bɔ.

Kronika I, 29:21

E nɔ jena a, a ngɔ na ku akpe, agbosu akpe, kɛ jijɔ akpe kɛ sã sami bɔ ha Yawɛ. A sã bɔ kpahi babauu hulɔ, nɛ a sã wai bɔ kɛ ha Israel ma kpekpemi ɔ tsuo.

Kronika II, 8:12

Enɛ ɔ se ɔ, Salomo sã bɔhi kɛ ha Yawɛ ngɛ bɔ sami la tɛ ɔ nɛ e ma ngɛ Yawɛ we ɔ hɛ mi ɔ nɔ.

Yesaya 40:16

Lebanon tso ɔmɛ tsuo a he pi nɛ a kɛ ma slɛ la. Lohwehi nɛ ngɛ lejɛ ɔ hu a he pi nɛ a kɛ maa sã sami bɔ.