Kronika II, 1:2 - BAIBLO ALOO NGMAMI KLƆUKLƆU Ɔ

² Matsɛ Salomo kɛ Israel ma kpekpemi ɔ tsuo tu munyu: asafoatsɛmɛ ɔmɛ nɛ ngɛ nihi akpehi kɛ lafahi a nya a, kojoli, ma nikɔtɔmahi, kɛ we puɔ nya dali ɔmɛ tsuo.

Kronika II, 1:2 ပူးပေါင်းရင်းမြစ်များ

Matsɛmɛ I, 3:4

Ligbi ko ɔ, Salomo ya Gibeon, nɛ́ e ya sã bɔ. Gibeon ji he nɛ wɔ piɛ nguaa a ngɛ; nɛ bɔ sami la tɛ ɔ nɛ ngɛ lejɛ ɔ, e nɔ Salomo sã sami bɔ akpe abɔ ngɛ ba be.

Kronika I, 13:1

Matsɛ David kɛ e we asafoatsɛmɛ ɔmɛ nɛ ji ta buli akpehi kɛ lafahi a nyatsɛmɛ ɔmɛ kpe.

Kronika I, 15:12

David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.

Kronika I, 24:31

Kaa bɔ nɛ Levi bi ɔmɛ a nyɛmimɛ osɔfo ɔmɛ nɛ ji Aaron nina a pee ɔ, Levi bi ɔmɛ hu fɔ sɔ kɛ dla ní tsumi ɔmɛ ngɔ ha a he. Weku ɔmɛ a nya dali, kɛ a senihi ji ni nɛmɛ nɛ fɔ sɔ ɔ. A fɔ sɔ nɛ ɔ ngɛ Matsɛ David, Zadok, Ahimelek, osɔfo ɔmɛ, kɛ Levi bi ɔmɛ a nikɔtɔma amɛ a hɛ mi.

Kronika I, 24:4

A gba Eleazar nina a mi kɛ wo kuu nyɔngma kɛ ekpa mi, nɛ a gba Itamar nina a mi kɛ wo kuu kpaanyɔ mi. Nɔ́ nɛ ha nɛ e ba lɛ kikɛ nɛ ɔ ji nyumuhi nikɔtɔmahi hiɛ ngɛ Eleazar nina a a kpɛti pe Itamar nina a.

Kronika I, 27:1

A dla Israel tabo ɔ kɛ wo asafo kuu nyɔngma kɛ enyɔ mi. Asafo kuu tsuaa asafo kuu mi ɔ, nyumuhi akpe nyingmi enyɔ kɛ eywiɛ ngɛ mi, kɛ a nya asafoatsɛmɛ, kɛ ma ní tsuli nikɔtɔmahi, kɛ a we bi. Daa jeha a, asafo kuu kake kɛ a we asafoatsɛ ya tsuɔ ní nyɔhiɔ kake. Asafo kuu ɔmɛ, kɛ a we asafoatsɛmɛ ɔmɛ ji nɛ ɔmɛ nɛ:

Kronika I, 28:1

Matsɛ David kpee Israel ma ní tsuli nikɔtɔma amɛ tsuo kɛ ba Yerusalem: wɛtsoyi ɔmɛ, asafo kuu ɔmɛ a nyatsɛmɛ ɔmɛ, asafoatsɛmɛ ɔmɛ, kɛ ni nɛmɛ nɛ hyɛɛ matsɛ ɔ, kɛ e bimɛ ɔmɛ a weto ní, kɛ a lohwehi a nɔ. Jehanɛ hu, matsɛ we mi ní tsuli ɔmɛ, ta buli katsɛmɛ ɔmɛ, kɛ tabo ɔ tsuo ba bua a he nya ngɛ Yerusalem.

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Kronika II, 1:3

Nɛ Salomo kɛ ma a tsuo pue nɔ kɛ ho jami he ɔ ya ngɛ Gibeon. A ya lejɛ ɔ, ejakaa kpe he bo tsu ɔ nɛ Yawɛ tsɔlɔ Mose pee ngɛ nga a nɔ ɔ, Gibeon ji he nɛ e ngɛ.

Kronika II, 29:20

Kɛkɛ nɛ Matsɛ Hezekia pee esɔ ya kpee ma nimeli ɔmɛ, nɛ e kɛ mɛ tsuo ya sɛ Yawɛ we ɔ mi.