Kronika II, 1:11 - BAIBLO ALOO NGMAMI KLƆUKLƆU Ɔ

¹¹ Mawu he nɔ nɛ e de Salomo ke, “O bi nɔ́ nɛ sa pɛ. O bi we ní nami, aloo june, aloo biɛ. O bi we ke a gbe o he nyɛli ha mo, aloo a ha nɛ o wami se nɛ kɛ. Mohu ɔ, o bi nile, kɛ nɔ́ sisi numi nɛ o kɛ ye ye ma a nɛ i wo mo matsɛ ngɛ a nɔ ɔ nɔ.

Kronika II, 1:11 ပူးပေါင်းရင်းမြစ်များ

Matsɛmɛ I, 10:24

nɛ je ɔ tsuo hlaa kaa a maa ba nɛ a ba bu nile nɛ Mawu ngɔ ha lɛ ɔ tue.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ I, 8:18

se Yawɛ de lɛ ke, ‘O pee saminya kaa o to o yi mi kaa o maa po we ha mi,

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

Kronika II, 1:12

Enɛ ɔ he je ɔ, i ha mo nile, kɛ nɔ́ sisi numi. Jehanɛ, ma wo mo ní, nɛ ma ha mo june, kɛ biɛ nɛ matsɛ ko matsɛ ko na we hyɛ. O se hu matsɛ ko matsɛ ko be nae kɛ mo maa sɔ.”

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

Abɛ Womi 23:7

Jamɛatsɛ ɔ ngɛ kaa nɔ ko nɛ buɔ akɔtaa ngɛ e yi mi; e deɔ mo ke, “Ye ní, nuu ní”; se anɔkuale mi ɔ, e tsui be o he.

Abɛ Womi 8:15

I piɛɔ matsɛmɛ a he kɛ hyɛɛ ma nɔ; i piɛɔ nɔ yeli a he kɛ woɔ mlaa kpakpahi.

Ni Tsumi 5:4

Benɛ zugba a ngɛ ɔ, o nɔ́; nɛ benɛ o jua a hu sika a mo nitsɛ o nɔ́. Mɛni he je o to o yi mi, nɛ o pee yayami kaa kikɛ nɛ ɔ? Nɔ́ nɛ o pee nɛ ɔ, pi adesa nɛ o ye lakpa, se Mawu!”

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”