Kronika II, 1:10 - BAIBLO ALOO NGMAMI KLƆUKLƆU Ɔ

¹⁰ lɔ ɔ he ɔ, ha mi nile, kɛ nɔ́ sisi numi nɛ ma kɛ ye ma nɛ ɔ a nɔ. Ke pi ja a, lɛɛ kɛ ma pee kɛ ye o ma kpetekpleenyɛ nɛ ɔ nɔ kɛɛ?”

Kronika II, 1:10 ပူးပေါင်းရင်းမြစ်များ

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

Abɛ Womi 4:7

Nile ji nɔ́ nɛ he hia pe kulaa. Lɔ ɔ he ɔ, hla nile se blɔ. Nɔ́ tsuaa nɔ́ nɛ o ma ná a, kɛ hla ní a sisi numi.

Abɛ Womi 8:15

I piɛɔ matsɛmɛ a he kɛ hyɛɛ ma nɔ; i piɛɔ nɔ yeli a he kɛ woɔ mlaa kpakpahi.

Mose IV, 27:17

nɔ nɛ maa nyɛɛ a hɛ mi, nɛ e ma kpaka mɛ kɛ ya kɛ ba, bɔ nɛ pee nɛ mo Yawɛ, o ma kpekpemi ɔ nɛ ko pee kaa tohi nɛ be hyɛlɔ.”

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Mose V, 31:2

“Amlɔ nɛ ɔ, i ye jeha lafa kɛ nyingmi enyɔ, nɛ i be nyɛe ma pee nyɛ hɛ mi nyɛɛlɔ hu. Jehanɛ hu, Yawɛ de mi ke, i be Yordan pa a poe.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.