Kronika II, 1:1 - BAIBLO ALOO NGMAMI KLƆUKLƆU Ɔ

¹ Matsɛ David bi Salomo tsɛ yemi ɔ ya nɔ wawɛɛ nitsɛ. Yawɛ, e Mawu ɔ gbaa lɛ, nɛ e pee lɛ nɔmlɔ ngua.

Kronika II, 1:1 ပူးပေါင်းရင်းမြစ်များ

Kronika I, 29:25

Yawɛ wo Salomo nɔ gojoo; e ha nɛ e na biɛ ngɛ Israel tsuo, nɛ e hɛ mi ba nyami pe Israel matsɛmɛ ɔmɛ tsuo nɛ sɛ e hlami ɔ.

Matsɛmɛ I, 2:12

Salomo ba ye matsɛ ngɛ e tsɛ David se, nɛ e matsɛ yemi ɔ ma si saminya.

Mose I, 39:2

Yawɛ gbaa Yosef nɛ e ya nɔ ngɛ nɔ́ tsuaa nɔ́ mi; nɛ e sɔmɔ ngɛ e we Egipt nyɔmtsɛ ɔ we ɔ mi.

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

Kronika I, 17:8

Imi lɛ i kɛ mo nyɛɛ kɛ ya kɛ ba, nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguanguahi nɛ ngɛ zugba a nɔ ɔ a ti nɔ ko.

Matsɛmɛ I, 2:46

Enɛ ɔ se ɔ, matsɛ ɔ fa Yehoyada binyumu Benaya, nɛ e je kpo nɛ e ya fia Shimei nɔ́ nɛ e gbe. Jehanɛ lɛɛ Salomo matsɛ yemi ɔ ma si kpɛii.

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Kronika I, 29:30

Níhi nɛ ngɛ sane nɛ ɔmɛ a mi ji Matsɛ David tsɛ yemi, e he wami, kɛ níhi tsuo nɛ ba lɛ David ɔ, Israel ma a, kɛ mahi nɛ bɔle mɛ ɔ a nɔ.

Kronika II, 32:23

Nihi babauu ba Yerusalem, ba sã bɔ ha Yawɛ, nɛ a ke Matsɛ Hezekia hu níhi nɛ a he jua wa. Nɛ kɛ je jamɛ a be ɔ kɛ yaa a, je ma amɛ tsuo buɔ Hezekia saminya.

Mose I, 39:3

Benɛ Yosef nyɔmtsɛ ɔ na kaa Yawɛ gbaa Yosef, nɛ e haa e yeɔ manye ngɛ nɔ́ tsuaa nɔ́ mi ɔ,

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Kronika I, 22:11

David ya nɔ, nɛ e de ke, “Lɔ ɔ he ɔ, ye bi, Yawɛ, o Mawu ɔ kɛ mo nɛ hi si. Yawɛ, o Mawu ɔ nɛ ye e si womi ɔ nɔ, konɛ o nyɛ nɛ o po we ha lɛ.

Kronika I, 22:16

sika tsu, sika hiɔ, akɔblee, kɛ dade a he ní. Lɔ ɔ he ɔ, moo hyɛ nɛ o je ní tsumi ɔ sisi; nɛ Yawɛ nɛ piɛ o he.”

Kronika I, 29:23

Lɔ ɔ he ɔ, Salomo ba hi matsɛ sɛ ɔ nɛ Yawɛ nitsɛ to sisi ɔ nɔ ngɛ e tsɛ David nane mi. E matsɛ yemi ɔ ya nɔ wawɛɛ nitsɛ, nɛ Israel ma a tsuo buɔ lɛ tue.