Kronika I, 9:27 - BAIBLO ALOO NGMAMI KLƆUKLƆU Ɔ

²⁷ Blɔ nya nɛ a hɛɛ ɔ he je ɔ, Yawɛ we ɔ kasa nya a hii, ejakaa a ní tsumi ji a bu lejɛ ɔ, nɛ a bli agbo ɔmɛ daa mɔtu.

Kronika I, 9:27 ပူးပေါင်းရင်းမြစ်များ

Romabi 12:7

Ke a ha wɔ he wami nɛ a kɛ sɔmɔɔ nyɛmimɛ ɔ, wa sɔmɔ; ke ní tsɔɔmi ɔ, wa tsɔɔ.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Samuel I, 3:15

Samuel ho ya hwɔ si kɛ ya si mɔtu; nɛ e te si nɛ e bli Yawɛ we ɔ sinya amɛ. Samuel ye gbeye kaa e ma de Eli nɔ́ nɛ Yawɛ de lɛ ɔ.

Kronika I, 9:26

Agbo nya buli nikɔtɔma eywiɛ nɛ ɔmɛ ɔ, Levi bi ji mɛ, nɛ a dɛ mi nɛ a to ní tsumi ɔ kɛ wo. Mɛ nɔuu nɛ a hyɛɛ tsuhi kɛ níhi nɛ a to ngɛ a mi ɔ a nɔ ngɛ Yawɛ we ɔ.

Kronika I, 9:28

Levi bi ɔmɛ a ti ni komɛ hu a ní tsumi ji a hyɛ níhi nɛ a kɛ sɔmɔɔ ɔ a nɔ. Ke a maa ngɔ ní ɔmɛ kɛ je kpo ɔ, mɛ lɛ a maa kane; ke a kpale ní ɔmɛ kɛ ma si tomi hu, mɛ nɔuu jinihi nɛ maa kane ní ɔmɛ.

La 134:1

Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi

Yeremia 35:4

I ngɔ mɛ kɛ ba Yawɛ we ɔ, nɛ i kɛ mɛ ba wo gbalɔ Hanan, Igdalia bi ɔ se nyɛɛli ɔmɛ a tsu ɔ mi. Tsu nɛ ɔ ngɛ ma nimeli ɔmɛ a tsu ɔ kasa nya, ngɛ Shalum bi Maaseya tsu ɔ yiti je. Maaseya ji agbo nya bulɔ.