Kronika I, 9:22 - BAIBLO ALOO NGMAMI KLƆUKLƆU Ɔ

²² Nyumuhi tsuo nɛ a hla nɛ a bu sinya amɛ a nya a, a hiɛmi ji 212. A kane mɛ weku nya weku nya ngɛ a kɔpe ɔmɛ a mi. Matsɛ David kɛ gbalɔ Samuel ji ni nɛmɛ nɛ to ní tsumi nɛ ɔmɛ kɛ wo a nɛmɛ ɔmɛ a dɛ.

Kronika I, 9:22 ပူးပေါင်းရင်းမြစ်များ

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Kronika I, 28:13

Jehanɛ, David ha Salomo fonihi nɛ a maa hyɛ nɔ kɛ dla ní tsumi ha osɔfo ɔmɛ, kɛ Levi bi ɔmɛ ngɛ Yawɛ we ɔ, kɛ bɔ nɛ a maa hyɛ níhi tsuo nɛ a kɛ tsuɔ ní ngɛ Yawɛ we ɔ a nɔ ha.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 11:36

Levi bi ɔmɛ ekomɛ nɛ hi Yuda zugba a nɔ ɔ kɛ Benyamin bi ɔmɛ ya hi si.

Kronika II, 31:18

A kane osɔfo ɔmɛ tsuo pɛpɛɛpɛ, a bimɛ tsɔwitsɔwi ɔmɛ, a yi ɔmɛ, a binyumu ɔmɛ, kɛ a biyi ɔmɛ; ejakaa mɛɛ lɛɛ be tsuaa be ɔ, e sa kaa a dla a he kɛ ha a ní tsumi klɔuklɔu ɔmɛ a tsumi.

Kronika II, 31:15

Ngɛ ma kpa amɛ a mi hehi nɛ osɔfo ɔmɛ ngɛ ɔ, nihi nɛ piɛ Kore he kɛ dla ní ɔmɛ pɛpɛɛpɛ ji nɛ ɔmɛ nɛ: Eden, Miniamin, Yeshua, Shemaya, Amaria, kɛ Shekania. A dla niye ní ɔ fiee kɛ ha a nyɛmimɛ Levi bi ɔmɛ ngɛ a ní tsumi nya,

Kronika I, 28:21

A dla ní tsumi ngɔ ha osɔfo ɔmɛ, kɛ Levi bi ɔmɛ nɛ a ma tsu ngɛ Yawɛ we ɔ. Ní tsuli nɛ le ga ní tsumi slɔɔtohi pee klaalo nɛ a maa piɛ o he. Jehanɛ se hu, ma a, kɛ ma nimeli ɔmɛ tsuo ngɛ mlɛe nɛ o wo gbi, konɛ a ba piɛ o he.”

Kronika I, 9:31

Levi no ɔ nɛ a tsɛɛ lɛ Matitia, nɛ ji Shalum nɛ je Kora weku ɔ mi ɔ bitɛte ɔ, e ní tsumi ji e sã keeki nɛ a kɛ maa sã bɔ ɔ.

Kronika I, 9:23

A kɛ a nina ji nihi nɛ a buu Yawɛ kpe he bo tsu ɔ agbo ɔmɛ a nya.

Kronika II, 23:19

Yehoyada ngɔ buli hu ngɔ to Yawɛ we ɔ agbo ɔmɛ a nya, bɔ nɛ pee nɛ ke nɔ ko nɛ he tsɔ we hla kaa e maa sɛ mi ɔ, a ko ngmɛ lɛ blɔ.

Kronika I, 29:29

Matsɛ David he sane kɛ je sisije kɛ ya si nyagbe ɔ, a ngma ngɛ gbali etɛ nɛ ɔmɛ a blema sanehi a mi: Samuel, Natan, kɛ Gad.