Kronika I, 9:18 - BAIBLO ALOO NGMAMI KLƆUKLƆU Ɔ

¹⁸ Kɛ ba si jamɛ a be ɔ mi ɔ, nimli nɛ ɔmɛ ji ni nɛmɛ nɛ buɔ Matsɛ agbo ɔ nya ngɛ beleku je. Kekle ɔ lɛɛ mɛ nɛ a buɔ agbo ɔ nya kɛ yaa Levi bi ɔmɛ a si tomi he ɔ.

Kronika I, 9:18 ပူးပေါင်းရင်းမြစ်များ

Ni Tsumi 3:11

Nyumu ɔ mɛtɛ Petro kɛ Yohane a he kɛ mwɔɔ ngɛ ablanaa nɛ a tsɛɛ Salomo Ablanaa a nɔ. Nɔ́ nɛ ɔ pee ni ɔmɛ nyakpɛ, nɛ mɛ tsuo a bu kɛ ba e ngɔ.

Matsɛmɛ II, 11:19

Lɔ ɔ se ɔ, e kɛ asafoatsɛmɛ ɔmɛ, matsɛ we ɔ buli ɔmɛ, matsɛ he buli ɔmɛ, kɛ ma a tsuo kpaka matsɛ ɔ kɛ je Yawɛ we ɔ kɛ ya gu buli agbo ɔ mi kɛ ya sɛ matsɛ we ɔ mi. Nɛ Yoash ya hi matsɛ sɛ ɔ nɔ.

Matsɛmɛ I, 10:5

Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ tsɔli nikɔtɔma amɛ nɛ a hii si kɛ bɔle matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ e sãã ngɛ Yawɛ we ɔ. Benɛ Sheba manyɛ ɔ na ní ɔmɛ tsuo ɔ, e he mi po,

Kronika I, 9:17

Yawɛ we ɔ he buli nɛ ba hi Yerusalem ji Shalum, Akub, Talmon, kɛ Ahiman. Shalum ji a nya dalɔ.

Kronika I, 9:19

Kore bi Shalum, Ebiasaf bibi ɔ, e kɛ e nyɛmimɛ Kora bi ɔmɛ a ní tsumi ji a bu Yawɛ kpe he bo tsu ɔ sinya a nya kaa bɔ nɛ a nɛmɛ ɔmɛ pee benɛ a hyɛ Yawɛ ma sito he ɔ nɔ ɔ.

Yeremia 35:4

I ngɔ mɛ kɛ ba Yawɛ we ɔ, nɛ i kɛ mɛ ba wo gbalɔ Hanan, Igdalia bi ɔ se nyɛɛli ɔmɛ a tsu ɔ mi. Tsu nɛ ɔ ngɛ ma nimeli ɔmɛ a tsu ɔ kasa nya, ngɛ Shalum bi Maaseya tsu ɔ yiti je. Maaseya ji agbo nya bulɔ.

Ezekiel 44:1

Jehanɛ nyumu ɔ kpale mi kɛ ba he klɔuklɔu ɔ we agbo ɔ nɛ hɛ mi kpee beleku je ɔ nya. A nga agbo ɔ.

Matsɛmɛ II, 16:18

Ahaz je nɔ́ ɔ nɛ a kɛ matsɛ sɛ ɔ maa nɔ ɔ ngɛ Yawɛ we ɔ hulɔ. E pee nɔ́ nɛ ɔ nɛ e kɛ sa Asiria matsɛ ɔ hɛ mi.