Kronika I, 9:14 - BAIBLO ALOO NGMAMI KLƆUKLƆU Ɔ

^14-16 Levi bi nɛ ba hi Yerusalem ji: Shemaya, Hashub bi ɔ. E nɛmɛ ji Azrikam kɛ Hashabia nɛ a je Merari weku ɔ mi ɔ Bakbakar, Heresh, ke Galal Matania, Mika bi ɔ. E nɛmɛ ji Zikri kɛ Asaf Obadia, Shemaya bi ɔ. E nɛmɛ ji Galal kɛ Yedutun Berekia, Elkana bi Asa bi ɔ nɛ hi Netofa bi ɔmɛ a zugba a nɔ ɔ.

Kronika I, 9:14 ပူးပေါင်းရင်းမြစ်များ

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Kronika I, 6:63

Merari weku ɔ hu, a ha mɛ ma nyɔngma kɛ enyɔ we puɔ nya we puɔ nya kɛ je wɛtso nɛ ɔmɛ a zugba mi: Ruben, Gad, kɛ Zebulun.

Kronika I, 6:29

Merari nina ji nɛ ɔmɛ nɛ: Mahli, Libni, Shimei, Uza,

Kronika I, 6:19

Merari bimɛ ji Mahli kɛ Mushi.

Mose IV, 26:57

Levi wɛtso ɔ, wekuhi nɛ ngɛ mi ji Gershon weku ɔ, kɛ a nyatsɛ Gershon; Kohat weku ɔ, kɛ a nyatsɛ Kohat; Merari weku ɔ, kɛ a nyatsɛ Merari.

Kronika I, 9:13

We puɔ nya dali ji osɔfo nɛ ɔmɛ; a hiɛmi ji 1,760, nɛ a le Yawɛ we ɔ he ní tsumi ɔmɛ tsuo tsumi saminya.

Kronika I, 26:1

Levi bi nɛ buu ngɛ Yawɛ we ɔ, bɔ nɛ a dla ní tsumi ngɔ ha mɛ ji nɛ ɔ nɛ. Ngɛ Kora weku ɔ mi ɔ, a hla Kore binyumu Meshelemia kɛ je Asaf we ɔ mi.

Kronika I, 26:26

Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.

Nehemia 12:23

Levi bi ɔmɛ a weku ɔmɛ a nyatsɛmɛ ɔmɛ a biɛ ɔmɛ lɛɛ a ngma kɛ wo Blema Sanehi Womi ɔ mi kɛ ba su Eliashib bibi Yonatan be ɔ mi pɛ.