Kronika I, 9:1 - BAIBLO ALOO NGMAMI KLƆUKLƆU Ɔ

¹ A kane Israel ma a tsuo weku nya weku nya, nɛ a ngma kɛ wo Israel Matsɛmɛ ɔmɛ a Womi ɔ mi. Yuda bi ɔmɛ lɛɛ, a ba nuu mɛ kɛ ho Babilon ya, ejakaa a yi Mawu anɔkuale.

Kronika I, 9:1 ပူးပေါင်းရင်းမြစ်များ

Nehemia 7:5

Mawu ha nɛ i bua ma nimeli ɔmɛ, kɛ ma ní tsuli ɔmɛ tsuo a nya, nɛ i hyɛ a weku womi ɔmɛ a mi. I ya na womi ko nɛ tsɔɔ nihi abɔ nɛ kpale kɛ je ma se kɛ ba kekleekle ɔ a weku kpa. Nɔ́ nɛ i na ngɛ womi ɔ mi ɔ ji nɛ ɔ nɛ.

Ezra 2:59

Nihi 652 hu je Tel Mela, Tel Hasha, Kerub, Adan, kɛ Imer ma amɛ a mi kɛ ba. Delaya, Tobia, kɛ Nekoda a nina ji mɛ; a nyɛ we nɛ a tsɔɔ kaa Israel bi pɔtɛɛ ji mɛ.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Yeremia 39:9

Nebuzaradan, tatsɛ ɔ nuu nihi nɛ piɛ ngɛ ma a mi ɔ, kɛ ni nɛmɛ nɛ ku kɛ ba piɛ e he ɔ kɛ ho Babilonia ya.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika I, 8:40

Ulam binyumu ɔmɛ ɔ, ta buli katsɛmɛ ji mɛ, nɛ a nine nya da kɛ kɛ̃ɛ̃ tsɛ̃mi. E bimɛ kɛ e bibimɛ tsuo a hiɛmi ji lafa kɛ nyingmi enuɔ. Mɛ tsuo a je Benyamin wɛtso ɔ mi.

Matsɛmɛ I, 14:19

Yeroboam he sane kpahi nɛ piɛ, tahi nɛ e hwu, kɛ bɔ nɛ e ye tsɛ ha a, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Matsɛmɛ II, 24:14

Nebukadnezar ngɔ Yerusalem ma mi bi ɔmɛ, ganɔ ɔmɛ, kɛ katsɛmɛ ɔmɛ tsuo nyɔguɛ kɛ je; mɛ tsuo pɛpɛɛpɛ a yibɔ ji akpe nyɔngma. E nuu ga ní tsuli, kɛ sɔli tsuo kɛ je; nimli gu ɔmɛ nɛ be nɔ́ ko mi ɔ pɛ ji ni nɛmɛ nɛ piɛ ngɛ Yuda.

Matsɛmɛ II, 24:15

Nebukadnezar ngɔ Yehoyakin, kɛ e nyɛ, e yi ɔmɛ, e tsɔli ɔmɛ, kɛ Yuda ma nimeli ɔmɛ nyɔguɛ kɛ ho Babilon ya.

Matsɛmɛ II, 24:16

Jehanɛ, Babilonia matsɛ ɔ ngɔ ta buli kpakpahi akpe kpaago, kɛ ga ní tsuli, kɛ sɔli hu akpe kɛ ho. Katsɛmɛ kɛ nihi nɛ su ta yami nya ji nimli nɛ ɔmɛ tsuo kulaa.

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Nehemia 11:1

Ma nimeli ɔmɛ hi Yerusalem ma klɔuklɔu ɔ mi, nɛ ma a mi bi ɔmɛ nɛ piɛ ɔ fɔ sɔ kɛ hla nɔ kake ngɛ ni nyɔngma a kpɛti kɛ piɛ ma nimeli ɔmɛ a he; se nihi nɛ piɛ ɔ lɛɛ a ya hi ma kpa amɛ kɛ kɔpe ɔmɛ a mi.

Yesaya 3:2

Nimli nɛ ɔmɛ tsuo a hɛ mi ma kpata: katsɛmɛ, ta buli, kojoli, gbali, klaali, ma nimeli,

Yeremia 13:19

A sa Yuda leneyi je ma amɛ a yi; nɔ ko nɔ ko be nɛ maa je ngmlaa ha mɛ. A nuu Yuda bi ɔmɛ tsuo nyɔguɛ kɛ ho.”