Kronika I, 7:28 - BAIBLO ALOO NGMAMI KLƆUKLƆU Ɔ

²⁸ Zugba nɛ a nine su nɔ nɛ a hi nɔ ji Betel, kɛ kɔpehi nɛ bɔle ma a, kɛ ya si Naaran ngɛ beleku je, kɛ Gezer, kɛ kɔpehi nɛ bɔle ma a ngɛ bonyoku je. Shekem kɛ Aya, kɛ kɔpehi nɛ bɔle ma nɛ ɔmɛ hu ngɛ zugba a mi.

Kronika I, 7:28 ပူးပေါင်းရင်းမြစ်များ

Manyadali 1:22

Yosef bi ɔmɛ, nɛ ji Efraim kɛ Manase wɛtso ɔmɛ hu ya tua Betel nɛ sa a, e biɛ ji Luz ɔ; nɛ Yawɛ piɛ a he. Kekleekle ɔ, a tsɔ nihi ya slaa ma a lolo.

Mose I, 28:19

E wo lejɛ ɔ biɛ ke Betel, se sa a, a tsɛɛ ma nɛ ngɛ lejɛ ɔ ke Luz.

Yoshua 16:7

Kɛ je Yanoa a, huzu ɔ ya gu Atarot, Naara, kɛ Yeriko, nɛ e kɛ e nya ya pi Yordan pa a.

Yoshua 16:5

Bɔ nɛ a dla zugba a ngɔ ha Efraim bi ɔmɛ we puɔ nya we puɔ nya ji nɛ ɔ nɛ. Ngɛ beleku je ɔ, a zugba a huzu ɔ je Atarot Adar kɛ ya su Bet Horon ngɛ yiti je ɔ tɔɔ.

Yoshua 16:8

Jehanɛ huzu ɔ je Tapua, kɛ gu bonyoku je kɛ ya na Kana pa a, nɛ e ya gbe nya ngɛ Mediterenia wo ɔ nya. Zugba nɛ a ha Efraim wɛtso ɔ kaa a weto ní nɛ a dla ngɔ ha mɛ we puɔ nya we puɔ nya ji nɛ ɔ nɛ.

Yoshua 16:9

Lɔ ɔ se hu, a ha Efraim bi ɔmɛ ma komɛ kɛ a he kɔpehi ngɛ Manase bi ɔmɛ a huzu ɔ mi.